هل إهلالك ياعـــــاشور

بسم الله الرحمن الرحيم
اللهم صل هلى محمد وال محمد
**
هلال عاشوراء
*
هل إهلالك ياعـــــاشور ... ماننساك الگلـــــب يفور
همك يسري ... إبدمي اليجري
آلام أوأحزان إوجــــــــور ... إوماننسه الظلع المكسور
ماننساك الگلب يفور

***
ياشهر الزود آلامي وزينب بيك الشـــــــافت ضيم
چانت بالإخوه المنجمعه مسروره إوبالشوگ إتهيم
إوتنظر للعباس إوجاسـم شموس اومايحجبهم غيم

وأصحاب حسين اوشيمتهم,,,ما ينظام اللي ابصحبتهم
نار وتلهب ... وين اليگرب
يضحي بروحه ويزهر نور ... بروح الثائر مومجبور

ماننساك الگلب يفور
*
ياشيعه آنه السلبوا خدري اوظيم اوألم راوني
ياشيعه ودم دمعي اليجري إم الحزن سموني
ياشيعه من عگب إخوتي بإسياطهم ضربوني
وللمشرعه آني تعنيت ... يم أبوفاضــــــل ونيت
ارعبني الخوف...مافي إچفوف
والنار شبت بالخيم يبن الحور... وأطفال والنسوان بانار دور

ما ننساك الگلب يفور
*
ياشيعه هامت روحي عالحـــــــومه ولشبل حسين
ياشيعه شفت الماصــــــــــار لشبه الرسول اموذرين
ياشيعه جاسم مطروح العــــــــــــــريس يانور العين
حنته من دم نحـــــــره ... متوســـــــــد على الغبره
من أجل الدين ... شبول حسين
شمس وگمر نور ابنور ... عالترب صارت للبدور

ما ننساك الگلب يفور
***
ياشيعه ياصبر الصـــــبر أصبر وصبر روحي
ياشيعه ياجرح الگدر صبري بچه عالجروحي
ياشيعه من نار الألم هامــــــــــت لحيدر روحي
وينك يشيال الهمم ... ظلينه بيويه بس حـــرم
إنهض هاليوم ... دارت هالگوم
ظهره يحيدر مكسور ... عالأخو گلبه مفطور

ما ننساك الگلب يفور
***
ياشيعه ظل بلا معين وحده وذرف دمع العين
ياشيعه دارت هالگوم و سهم گدر صاب حسين
ياشيعه راح المظلوم لا وين أروحـــــن لا وين
دارت علينه الاشرار ... وينك يحماي الجار
حزوا نحره ... شبل الزهره
سيد الجنان المنحور...والراس عالرمح يدور

ما ننساك الگلب يفور
..........
نسالكم الدعاء