يادهر ماأظن شافت والده . مثل ضيم إم البنين الفاگده

بسم الله الرحمن الرحيم
اللهم صل على محمد وال محمد
,
يادهر ماأظن شافت والده ... مثل ضيم إم البنين الفاگده
,
ماكو من هالنسه مثل إم البنين ... لوگلبها صخر ذاب إمن الونين
,
تعبت إعله أولادها وربت إسنين ... وللمنيه إتشوف حاديهم حده
,,,,
إلهه حگ لونفذ من عدها الصبر ... شابحه ليل ونهار وتنتظر
,
تنتظر جيتهم إبحر الجمر ... والتشوفه بكل حزنها إتناشده
,,,,
إتناشده إعله أولاده إلعنها مشوا ... طالت الغيبه وبعد ماعودوا
,
إشلون لوسمعت خبر عنهم گضوا ... بس جثث فوگ الوطيه إمدده
,,,
ريتها إبطف كربله چانت تشوف ... عالنهر عباس مگطوع الچفوف
,
وعلى حسين التمت إرماح وسيوف ... شلون لوشافته إينازع وحده
,,,,,
شلون لوتنظر عقيلة حيدره ... زينب الچانت عزيزه إمخدره
,
عافها إبياحال سبع الگنطره ... حايره إتلم الاطفال الشارده
,,,,
الچان ظل عدها الفظل حي وسلم ... نحر عبدالله تصوب بالسهم
,
در ثدي إمه إبياذنب إنفطم ... إشگال گلب حسين يوم الشاهده
,,,,
نسالكم الدعاء