شبل الحسين المظلوم...نازل الميدان اليوم

بسم الله الرحمن الرحيم
اللهم صل على محمد وال محمد
.........
من أجل دينه ...ضحه إبسنينه
شبل الحسين المظلوم...نازل الميدان اليوم
ظنوة علينه ...ضحه إبسنينه
...........
ياحي الأكبر ياشبل حامي الجار
صـــول عليها وبيده يزهي البتار
هاج الأسد عالميمنه شـب النار
والميسره إگلـــــبه و يكبر الجبار
الله يعينه ... زهرة نبينه
وحسين بگليبه النار...خايف غدر هالأشرار
وين اليعينه ...ضحه إبسنينه
..............
ثائر بغيرة دينه ماهـــــاب الموت
مثل الصميده بصولته من يفوت
هز الابطال بطلعته عالي الصوت
تضــــــارب الاخبار عند الطاغوت
أظهر علينه ... من يحامينه
السيف سيف الفقار ... هذا علي الكرار
إشلون إنولينه ...ضحه إبسنينه
.....
ظنه علي الكـــــرار من گبره ثار
ماجت إجموع الغدر والجيش انهار
ما تندل المعبار بالحـــــال إشصار
والـــروس تتطاير بسيف المـــغوار
تسلم يمينه ...انظر علينه
مشمر الساعد ويدور...بدر الهواشم والحور
تهفي لجبينه ...ضحه إبسنينه
.....
تشاهد الروس تطير والموت يحوم
لأن بكر ابن غانم برز مـــن الگوم
وإنخطف وجه إحسين وإزداد إهموم
چيف البرزله بالحــــــــرايب معلوم
حاير ولينه ...أصفگ يمينه
بكر ابن غانم معدود...وكت الشدايد منشود
ليله حزينه ...ضحه إبسنينه
....
ياليله صاح إحسين گلبي مصيوب
يالوالده إدعي ودعـــــائچ مطلوب
دخلت الخيمه تناجي رب المعبود
يالرجعت يوسف ترجــع المحبوب
ياربي عينه ... بجاه إبوسكينه
بجاه الحبيب المختار... بجاه الوصي الكرار
تسمع ونينه ...ضحه إبسنينه
....
يشاهد حسين الراس بيد الأكبر
يحمد الباري علي وصوته يكبر
تعنه لبو السجاد والـــدم يگطر
من العطش يابويه گلبي إتفطــر
والصبر وينه ... وتبگ إيدينه
رجوانه عند الديان ...يوليدي رد الميدان
الباري يروينه ..ضحه إبسنينه
...
رد علي الأكبر والچبد يلهب نار
صاح آنه نور حسين طلاب الثار
دارت عليه أهل الغدر والأشرار
برماحه وإسيوفه إصــــغار إكبار
أهل الظغينه ...أموذرينه
بلا رحمه وبلا دين...جابه الفرس لحسين
الله يعينه ...ضحه إبسنينه
.....
نسالكم الدعاء