|
|
( ليلى والمهد والليل ) كعدية لعبدالله الرضيع ع
صفحة 1 من اصل 1 • شاطر
( ليلى والمهد والليل ) كعدية لعبدالله الرضيع ع
بسم اله الرحمن الرحيم
اللهم صل على محمد ال محمد
ـــــــــــــــــــ
( ليلى والمهد والليل )
ـــــــــــــــــــــــــــــــــــــ
ياورده وسكيتك ماي الدموع ... دمعي أعليك أحر من دمع الشموع
من مهدك بالصيار ... روحي كامت تغار
سوتلك مهد مابين الضلوع
ـــــــــــــــــــــــــــــــــــــــــ
جنت أغار أعليك حته ... من الهوه لمن يمرك
واليضرك كمت أجرعه ... يضرني كون ولا يضرك
كل عمل مجهد أقبله ... كون ترتاح ويسرك
ست أشهر عيوني بسهر ... ذبلانه محنية ضهر ... شجرة أمل وآنه النهر ... كل مسه وكل صبح أنضرك
شمسي ومن تغيب أيحل مماتي ... ومن تطلع ترد ليه حياتي
أحيه ولمن تغيب ... أموت ولمن تغيب
حياتي آنه ومماتي أغياب وطلوع
ـــــــــــــــــــــــــــــــــــــــــ1
مــا أبالــغ لــو كـلتـلك ... أنته أعز من كلشي وأكثر
آنه شجـــره وأنــته مايي ... يــــبني وبليـــاك مكـدر
من تنام الكــلب يحــزن ... مـن تفـــز شكــثر يســتر
ما أرضه حته من المهد ... يشاركني في حبك أبد ... سويتلك كلبي سند ... خاف روحي بلحضه تفتر
أحسك يا أمل كل ذكرياتي ... نفس يصعد وينزل بي حياتي
روحي بغيرك تموت ... نسمه ولمن تفوت
لريتي ينجبر كل ضلع مصدوع
ـــــــــــــــــــــــــــــــــــــــــ2
كل أم بهالكون تطمح ... من تقدم كل جهدها
ومن بعد كل التقدمه ... عيونها تكر بولدها
وخاصه لوجان هيه ... هوه بس هالغالي عدها
تتحمل الما ينحمل ... وعن تعبه أبداً ماتمل ... ولو جان عدها بس طفل ... ياتعب عنه يردها
شوكت بدرك يتم بسماي وأرتاح ... وكل هم من أشوفك عني ينزاح
وأمك ستت أشهور ... حنتلك ستت أضهور
وأكولن هالتعب تاليته مرجوع
ـــــــــــــــــــــــــــــــــــــــــ3
آه من دنيتي شسوت ... آه من دهري وزماني
آ يسهم الكطع نحرك ... بنحري حسيته رماني
أنته خمدلك أنفاسك ... وانه صك عيني وعماني
الله من هذا السهم ... من عنده كل حيلي أنهدم ... وكل عمري يايمه أنعدم ... وخيب الضن والأماني
اكولن يكبر المدلول يايوم ... لن تالي بسهم جابوك مفطوم
من بعدك يالوحيد ... بعد كل دنيه ماريد
ولا نحرك تصده عيوني مكطوع
ـــــــــــــــــــــــــــــــــــــــــ4
أجن ليله البيها أهزن ... مهدك وبجفوفي ألولي
شراح أكللها بغيابك ... من بعد ما أكلها طولي
آ يا ليله أنفكد طفلي ... شراح أسوي بالله كولي
لو أمرتج بالله طيعي ... ويه ضيعت طفلي ضيعي ... هالمهد مابي رضيعي ... وي زواله أرجوج زولي
بسوادج جنت أهز عبد الله وينام ... بعد بيج أشأسوي وعمره مادام
روحي أرجوج بالحال ... عيني العدهن أطفال
تره كلبي بفكد عبد الله مفجوع
ـــــــــــــــــــــــــــــــــــــــــ5
وانه خليني وي مهده ... أهز بلكت يفك عينه
وأرد أنشدنه ييمه ... صوابك الماذيك وينه
حال ياوسفه زماني ... بكربله بيني وبينه
وخلاني بالهم والوجل ... وهوه أرتمه بحجر الأجل ... ياوسفه بدره مكتمل ... ضيعت طفلي وحياتي
وتعبي بأرض الغاضريه
ـــــــــــــــــــــــــــــــــــــــ
حلـيب أمـك يبعــد أمـك . يدرلاك
جهدي وكل تعب حيلي . يدرلاك
رحـت للــشـام وكلـيبي . يدرلاك
تعـبي شلـون أضـيعـك من أديه
...........................................
للشاعر الحسيني / أبو جعفر العبودي
اللهم صل على محمد ال محمد
ـــــــــــــــــــ
( ليلى والمهد والليل )
ـــــــــــــــــــــــــــــــــــــ
ياورده وسكيتك ماي الدموع ... دمعي أعليك أحر من دمع الشموع
من مهدك بالصيار ... روحي كامت تغار
سوتلك مهد مابين الضلوع
ـــــــــــــــــــــــــــــــــــــــــ
جنت أغار أعليك حته ... من الهوه لمن يمرك
واليضرك كمت أجرعه ... يضرني كون ولا يضرك
كل عمل مجهد أقبله ... كون ترتاح ويسرك
ست أشهر عيوني بسهر ... ذبلانه محنية ضهر ... شجرة أمل وآنه النهر ... كل مسه وكل صبح أنضرك
شمسي ومن تغيب أيحل مماتي ... ومن تطلع ترد ليه حياتي
أحيه ولمن تغيب ... أموت ولمن تغيب
حياتي آنه ومماتي أغياب وطلوع
ـــــــــــــــــــــــــــــــــــــــــ1
مــا أبالــغ لــو كـلتـلك ... أنته أعز من كلشي وأكثر
آنه شجـــره وأنــته مايي ... يــــبني وبليـــاك مكـدر
من تنام الكــلب يحــزن ... مـن تفـــز شكــثر يســتر
ما أرضه حته من المهد ... يشاركني في حبك أبد ... سويتلك كلبي سند ... خاف روحي بلحضه تفتر
أحسك يا أمل كل ذكرياتي ... نفس يصعد وينزل بي حياتي
روحي بغيرك تموت ... نسمه ولمن تفوت
لريتي ينجبر كل ضلع مصدوع
ـــــــــــــــــــــــــــــــــــــــــ2
كل أم بهالكون تطمح ... من تقدم كل جهدها
ومن بعد كل التقدمه ... عيونها تكر بولدها
وخاصه لوجان هيه ... هوه بس هالغالي عدها
تتحمل الما ينحمل ... وعن تعبه أبداً ماتمل ... ولو جان عدها بس طفل ... ياتعب عنه يردها
شوكت بدرك يتم بسماي وأرتاح ... وكل هم من أشوفك عني ينزاح
وأمك ستت أشهور ... حنتلك ستت أضهور
وأكولن هالتعب تاليته مرجوع
ـــــــــــــــــــــــــــــــــــــــــ3
آه من دنيتي شسوت ... آه من دهري وزماني
آ يسهم الكطع نحرك ... بنحري حسيته رماني
أنته خمدلك أنفاسك ... وانه صك عيني وعماني
الله من هذا السهم ... من عنده كل حيلي أنهدم ... وكل عمري يايمه أنعدم ... وخيب الضن والأماني
اكولن يكبر المدلول يايوم ... لن تالي بسهم جابوك مفطوم
من بعدك يالوحيد ... بعد كل دنيه ماريد
ولا نحرك تصده عيوني مكطوع
ـــــــــــــــــــــــــــــــــــــــــ4
أجن ليله البيها أهزن ... مهدك وبجفوفي ألولي
شراح أكللها بغيابك ... من بعد ما أكلها طولي
آ يا ليله أنفكد طفلي ... شراح أسوي بالله كولي
لو أمرتج بالله طيعي ... ويه ضيعت طفلي ضيعي ... هالمهد مابي رضيعي ... وي زواله أرجوج زولي
بسوادج جنت أهز عبد الله وينام ... بعد بيج أشأسوي وعمره مادام
روحي أرجوج بالحال ... عيني العدهن أطفال
تره كلبي بفكد عبد الله مفجوع
ـــــــــــــــــــــــــــــــــــــــــ5
وانه خليني وي مهده ... أهز بلكت يفك عينه
وأرد أنشدنه ييمه ... صوابك الماذيك وينه
حال ياوسفه زماني ... بكربله بيني وبينه
وخلاني بالهم والوجل ... وهوه أرتمه بحجر الأجل ... ياوسفه بدره مكتمل ... ضيعت طفلي وحياتي
وتعبي بأرض الغاضريه
ـــــــــــــــــــــــــــــــــــــــ
حلـيب أمـك يبعــد أمـك . يدرلاك
جهدي وكل تعب حيلي . يدرلاك
رحـت للــشـام وكلـيبي . يدرلاك
تعـبي شلـون أضـيعـك من أديه
...........................................
للشاعر الحسيني / أبو جعفر العبودي
ابومهندالسلامي النجفي- انت رائع
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى