جابر إذكر لوعــــتي ...والهظم وو نيني

بسم الله الرحمن الرحيم،،
اللهم صل على محمد وآل محمد وعجل فرجهم وأهلك أعدائهم،،
السلام على الحسين وعلى علي ابن الحسين وعلى أولاد الحسين وعلى أصحاب الحسين،،
السلام على الزهراء،وعلى إبنتها المرضية زينب الحوراء،،
السلام على سيدتنا الصابرة ،السلام على أم المحن والبلاء، السلام على زينب الحوراء،،
السلام عليكم ورحمة الله وبركاته،،

...........................
جابر إذكر لوعــــتي ...والهظم وو نيني ...چـــــــــــبدي إتفطر يجابر گلبي مذبوح
على التربان إخوتي ...والعــده إتو لو ني ...وأبو فاضل عــالشريعه جسمه مطروح
...................
آه ياجابر إشصار من بعد طيح الكــــــفيل...هجمت العدوان كلها والنهار إتشوفه ليل
أطفال مرعوبه يجابر تصرخ إبحرگه إوعويل ...والحرم هبت تنادي تنخه حماي الدخيل
أه صدعه صدعتي ...والحسين إبعيني ...يلوج گدامي ابواليمه ودمه مسفوح
...................
ويلي ياجابر مراري إتصـــــــلط علنه القهر ...ردت ابو فاضل يجينه ماردت ماي النهر
چفوف نور العين گطعوا ريت عمري ينصهر...احسين يصرخ ياعضيدي ظهري ياخويه انكسر
اشلون دنيه دنيتي ...وإخوتي عافوني ... وصلت يم الشريعه شفته مطروح
...........
إبعيني شفت حسين وحده إتواردوه أهل الغدر...آه ياجابر الدنيه إنگلبت إعله ابن الطهر
بالسهام وبالسيوف وذروا جسمـه وذر... إيلوج من سهم المثلث ويلي إبن سيد البشر
إشلون حيره حيرتي ... ريتهم دفنوني ...ولا شفت روح الزچيه يگالب الروح
..................
الكون بحزانه يموج والسمه تمطر دماء ... و العرش نازل يقدم ماي يروي النجباء
الارض ماجت إبهمها ويلي من هذا البلاء...تصيح والمدمع تهله راح سيد الشهداء
إهتزت على إمصبتي ... والأمر رباني .... حسين قربان الإلاه كاتبه اللوح
..................
إحساس راودني يجابر ينذبح ابن الرسول ... والجسد فوگ الوطيه يصير ميدان الخيول
حين ودعني حبيبي إتذكرت گول البتول ... يمي زينب حــــــــــب إخيچ القدر منه ينول
غاب عني عزوتي ... والدهر لاوني ...حسين ليش تعيف أخيتك ذابت الروح
...........................

جابر إذكر لوعــــتي ...والهظم وونيني ...چـــــــــــبدي إتفطر يجابر گلبي مذبوح
علىالتربان إخوتي ...والعده إتولوني ...وأبو فاضل عالشريعه جسمه مطروح
...................
نسالكم الدعاء
النزلة ....القصيدة الثانية ملحق ..

جابر هاي .....نور إچلاي ...
إظعون العقيله الطاهره..
.....
ياجابر انهض هل لفــــت... بت الولي للمخدره
شافت مصايب ما سدة... حتى الصخر دمه جره
الكون بحزان وآلم ...يبچـــــــــي دمه عالصابره
عافت جثث نور الهدى... عـــــــالغبره كلها إموذره
.................................................. ...
جابر هاي .....نور إچلاي ...
إظعون العقيله الطاهره..
...................................
انهض يجابر للعليل الجاي ...من أرض الشام
جار الدهر عگب الاهل ...إمچــــــــتفينه إبآلام
ازلام الغدر أهل الفسق... أرجاس امـيه الظلام
عالهزل لوعه لوعته ...والچبد منه إمفطره
..............
جابر هاي .....نور إچلاي ...
إظعون العقيله الطاهره..
...................
لوعات و إحزان اليسر... إوترك الجثث عالتربان
إونار الگلب تلهب جمر... والدمع صــاير غدران
ياجرح ينزف ياجرح ...اجروحه تون عـــــــالشبان
متگيد إبصبره إوحمل... نور الرساله إلزاهره
.........................
جابر هاي .....نور إچلاي ...
إظعون العقيله الطاهره..
..............
رادوا يطفون النور ...من زمن أكل الأجباد
فسق الرذال امورثه ... من حقد ذيچ الأجداد
وهذا الزمن بالأحفاد ...تاريخ الأســـــود ينعاد
وشيعتك هاي املايين ... دخلت الطفك ثائره

جابر هاي .....نور إچلاي ...
إظعون العقيله الطاهره..
.....................
نسالكم الدعاء