عليله وعلتي بفرگة أحبابي ...گلبي إنصاب شيطيب إصواب

بسم الله الرحمن الرحيم
اللهم صل على محمد وال محمد
موشح ..
,
عليله وعلتي بفرگة أحبابي ...گلبي إنصاب شيطيب إصوابي

,....,
يبعد الروح وگليبي والعيون ... أناشدكم هلي يمته تعودون
,
أخاف من البعد تكثر الشجون ... بشوفتكم تره يخلص عذابي
,,,,,
يالب الفؤاد أبگه برجــــاكم ... لو أگطع الظنه مــــــن لقاكم
,
الف ياحيف حظي ماحواكم ... ما أگدر آنه أصبر على مصابي
,,,,,
سره الظعن الأهل وبهل المسيه ...دمعتي إعله الوجن ضلت جريه
,
الزمن ياخلگ شوفوا إشسوه بيه ...خلاني وحيده وخذه أحبابي
,
صعب إفراكم والله عـــــلينه ... ماظـــــن بيدكم ولاظن بدينه
,
أمر حتمي إنفرض غصبا علينه ... يبويه ماوصل ليكم إعتابي
,,,,,
عتبنه والعتب شيفيد واللوم ... وابو اليمه إنذبح ياخلگ مظلوم
,
عطشان الچبد والگلب مالوم ... ويسر عمتي إشكثر زيد عدابي
,
اناشد ليش عمتي يسروها ... عگب ذاك الخدر ويلي ولوها
,
بعد عزها يويلي سلبوها ... گلبي انصاب مايشفه إصوابي
,,,
نسالكم الدعاء