ياعلي اليوم الوداع.. الامام محمدالجواد

بسم الله الرحمن الرحيم
اللهم صل على محمد وال محمد
ـــــــــــــــــــــــ
ياعلي اليوم الوداع.. بسجن وبهم عمري ضاع
ياعلي بويه أشبديه..كون أصبرعالأذيه...
بسجن وبهم عمري ضاع
ــــــــــــــــ
ياعلي أقسم دليلي إنگطع لفراگ الآهل
والوطن غالي يبويه بلچي أردعشت أبأمل
دوم يابويه أبخيالي صورته ودمعي يهل
...
والسجن بويه رهيب..وآنه يوليدي غريب
ياعلي إذكر عذابي..ولوعتي يبني ومصابي
بسجن وبهم عمري ضاع
ـــــــــــــــــ
ياعلي تحيرت بأمري كــون أعوفــــنك وأروح
وگلبي بـآلامــــه أتمــرمــر ينزف وكله جروح
من شفت دمعتك تجري روحي أحس بيه تنوح
...
الليله ياروحي الوداع .. والآمل يابويه ضاع
أدري رايح ماأجيكم..إنكسر گلبي من بچيكم
بسجن وبهم عمري ضاع
ــــــــــــــــ
ياعلي خلوني وحدي أبسجــن أظلم ماله باب
أشحالة المسجون وحده وطول أبسجنه الغياب
وگابع بليل المصائب والقلب يابويه ذاب
...
من هجركم ياجنيني ... معذب بونتي وحنيني
بسم سهم گلبي رموني... أبعز شبابي عذبوني
بسجن وبهم عمري ضاع
ــــــــــــــــــــــــــــ
سنين مرت وحده عايش بالسجن ضاگ العذاب
موسى بن جعفر أشذنبه نوره عن شيعته غاب
ومن سجن أظلم الثاني أيدورومصابه مصاب
...
أحباب ماعنده تجيه..ولاأهــل تســــــــــأل عليه
سبع طعش عام إبسجون..وحامل بقلبه الشجون
بسجن وبهم عمري ضاع
ـــــــــــــــ
ياعلي ضاگت عليه دنيتي يبني أوبچيت
توجهت لله أبدمعتي بالفرج بويه دعيت
أدري دنياتي مظلمه الآخره يبني رجيت
...
أبحسرتي وهمي رحت..وأني بالدنيا أشفت
ياعلي يصعب عليه ..عفتك أبلوعه وأذيه
بسجن وبهم عمري ضاع
ــــــــــــــــــــ
ياعلي وأله دهرنه إويانه أبداً مـــــارهم
وناس بويه أبسم گضوها وناس ذبحوها أبسهم
أجساد عالغبره طريحه وغسلوها أبفيض دم
...
أحسين يابويه أخذلوه ..وبالسيوف أتواردوه
أو ياعلي عزت عليه ... زينب أخذها سبيه
بسجن وبهم عمري ضاع
ــــــــــــــــ
ياعلي كل هالمصائب قدرته الله وكتبته
لاچن الأصعب علينه الألم زينب شافته
إتدور بيها أهل الشماته والكفله تركته
...
والحسين أصبح ذبيح ...وصوته الحره يصيح
خويه يردوني هديه .... غصب ياخويه عليه
بسجن وبهم عمري ضاع
ــــــــــــــــ
نسالكم الدعاء