الكاظــم إبهم إوعـذاب..ويشكي لرقية المصاب قصيدة

بسم الله الرحمن الرحيم
اللهم صل على محمد وال محمد
ــــــــــــــــــ
الكاظــم إبهم إوعـذاب..ويشكي لرقية المصاب
إبسجن هارون الرشيد..وعالعنگ طوگ الحديد
ويشكي لرقية المصاب
ــــــــــــــ
آه يابنت الحســين أشلـــون آلام السلاسل
والشمرسوطه إيتلوه عالمتون بحقد نازل
ياعذاب وهظم شفتي والقلب ياصبرحامل
آه واويلاه عيني نزف دم لو دمع هامل
ظلمة الدنيا عليه ..وحــدي متحمل أذيه
وجرحي مايقبل يهيد..
وعالعنگ طوگ الحديد
ــــــــــــــــ
حامـل أهمومه وحـيد ويســمع أنداء الرقيه
ياأمامي ونورعيني وسـيدي أشطالــع بديه
القـوم ذبحوا ابواليمه وآني أخــذوني سبيه
والعمام وكل إخوتي جثث مطروحه رميه
من مشينه إبغيروالي..إسْوَدتْ إبعيني الليالي
إسمحلي أحچي أشماأريد
وعالعنگ طوگ الحديد
ــــــــــــــــــــــ
الكاظم إبقلبـه الي ينزف والســـموم الأذته
أيناشد الله إبخشــوع يدري گــــربة ساعته
ساعه عـالآلام يحجي وساعـه تيبس شفته
وساعه يسمعها الرقية أتون هظمها الشافته
وساعه يغرگ بالدموع..وينتظرأمرالرجوع
والأمــل عنـــده بعـــــيد
وعالعنگ طوگ الحديد
ـــــــــــــــــــــ
ياأمامي الهظم ضمني أبكربله من يتموني
أهلي وآني مدللتهم أشلــون لعداهم رموني
أصرخ بصوت المنايه ما ظنهم يسمعوني
إمشي وأتعثربروحي خايفه مـن السلبوني
والعطش يبس دليلي..وماكوواحد ينتخيلي
والعـليل أصــبح وحــيد
وعالعنگ طوگ الحديد
ــــــــــــــــ
الكاظم بهاي المآسي وحســرته ولوعة دليله
نهض وتلگه رقيه وشــال الأهمــوم الثگيله
ونسى أهموم السجن كلها وظلمته وآلام ليله
وكل مرارالسندي ذاك وزمرهارون الرذيله
غاص بحــرطفــوفها ..يم رقيه إوخـــوفها
وزمـــــرة الظالــم يزيد
وعالعنگ طوگ الحديد
ـــــــــــــــــ
يأأمامي أيام ســـــوده شفنه لمــن أســرونه
زمــرة يزيد اللعــين ولبن مرجانه أدخلونه
گام يشــتم عمتي زينب ياأمامي اشصاربينه
لا أبويه احســــــين حاضروالعليل مچتفينه
ولا كفــيل العـائلـه ..غـاب عـنه إبكــربله
ويضرب بسوطه الشديد
وعالعنگ طوگ الحديد
ـــــــــــــــــــــ
الكاظم أيواسي رقيه وحسرته تحمل وينين
ونزف چبده يلوج منه وجلس ناغها أبحنين
لجـــل دين ألًه نضحي ولجل كل المسلمين
شما جــرالچ والجرالي إبيدأطغى الظالمين
أجرَهْ عِدْ رب العتيد..بالحشـر يوم الوعيد
يظهـــر الطاغي العـنيد
وعالعنگ طوگ الحديد
ــــــــــــــــــــ
الوعد باچر نجازه وكل عــذاباتي تروح
وعالجسرجثتي رميه وتندفن كل الجروح
يارقية الصبر منا أخــذ درسه بلا جموح
وهذي الجروح التلائم لاظهروجه الملوح
الحجه يأخذ ثارنه ..وهذا وعد أنصارنه
ويصدر الأمـــر الجديد
وعالعنگ طوگ الحديد
ــــــــــــــــــــ
نسألكم الدعاء