فاطمة بنت الحسين عليها السلام العليله

بسمالله الرحمن الرحيم
*
اللهم صل على محمد وال محمد
*
القصيده
العتاب
*
فاطمة بنت الحسين عليها السلام العليله
*
ياهلي إديار الكرم والمعرفه ... لوگصدها الضيف منهو إيضيفه
***
شلون أشوف إبعيني وحشــه إدياركم ... وشــــــــــرد أگوللاً لونشد خطاركم
*
ياهلي إنگطعت عليه أخباركــــــــــم ...وشل السبب لليوم طارش مـــــــالفه
*
لوگصدها الضيف منهو إيضيفه
***
يالمشيتوا طــــــــــــول عليه الغياب...من دمــــــوعي أكتب ودزيت العتاب
*
ياهلي وچا ليش مارد الجـــــــواب ... مــــــــوشيمكم هالمگاطع والجفه
*
لوگصدها الضيف منهو إيضيفه
***
يا أشراف العرب ياخير الخلــــــگ ... يمــــــن فوگ النجم بيركم خفگ
*
ياوسافه أنشت شملكـــــم وإفترگ ... وبظلام الليل مصباحـــــــــه طفه
*
لوگصدها الضيف منهو إيضيفه
***
يالنزل ببيوتكم وحــــــــــي الجليل ...وما يمســـــــــه الظيم لوجاكم دخيل
*
ولليضيع الدرب طاريكـــــــم دليل ... إبساط رب الكــــــــون جدكم شرفه
*
لوگصدهاالضيف منهوإيضيفه
***
ياهلي وبجالكم شفت الـــــــــدلال ... وچم عـــــــــــزيز الچان يتفگد الحال
*
ومن شفت حادي الهجر شد الرحال ... من بعدكـــــــم صحت عالدنيه العفه
*
لوگصد ها الضيف منهو إيضيفه
***
من عگبكم بعـــــــــــــد شلي إبدنيتي... والديار المـــــــوحشه إلمن ضلتي
*
ياهلي ودمي إحترگ مـــن حسرتي ... ولا طبگ للنوم جفني ولاغفـــــــــه
*
لوگصد ها الضيف منهوإيضيفه
***
مساهره وبيام غيبتكم أعـــــــــــــــد ... ياهــــــــــلي إعليكم فلا بطل النشد
*
عادت الغياب للمــــــــــــوطن يرد ... چا مته تعودون يصــــــحاب الوفه
*
لوگصدها الضيف منهو إيضيفه
***
گبل راسي الگلب حگــــه لويشيب ... إتغيب روحي الشمس لورادت تغيب
*
وعلتي ماأظن ينفعـــــــــــها الطبيب ... ولا دوه الينفع ولا يحصل شفـــــــه
*
لو گصد ها الضيف منهو إيضيفه
***
تمت
*
نسألكم الدعاء