يا خلگ لوچان گلبي من صخر

بسم الله الرحمن الرحيم
*
اللهم صل على محمد وال محمد
*
يا خلگ لوچان گلبي من صخر ... إنصدع من كثر المصايب وإنفطر

**
والعجيب ما جزع صبرك يا گلب ... وأنته بيك جروح ماظن تنحسب
*
چم رفح صابك وچم موقف صعب ... بين لوعات العده وضيم الدهر
**
إمنين أبدي حته اسولف قصتي ... أبدي من ودعت عا لغبره أخوتي
*
لو أمن الكوفه ومصابي ومحنتي ... حگي لودمعي يكت كت المطر
**
يامره المثلي أبتلت من هالنسه ... روس إخوتي إگبالي كل صبح ومسه
*
چم نذل مچتوفه أدخل مجلسه ... وآنه بنت حيدر علي فارس مضر
**
حاله من حاله أشد وأصعب شفت ... جيت محشومه وأسيره من رحلت
*
من عگب عباس بالشامت لذت ... ولسه بمتوني من إسياطه أثر
**
أصعد الطفال التطيح من الهزل ... لو أنشف إدموع العيال التهل
*
والله حيرني الدهر يا بالفضل ... ترضه خاطر زينب إختك ينكسر
**
أمن اليسر رديت خويه بياوضع ...گوم شوف إنكسر مني چم ضلع
يا چفيل الچنت لضلوعي درع... لون يمي عليه ماواحد جسر
**

نساكم الدعاء