ملينه يوجوه الفگـر...وأشظل بعد تاليها

ملينه يوجوه الفگـر...وأشظل بعد تاليها
والشعب ناروملتهب...والنار شيطفــيها
ــــــــــــ
مليـنه يوجـــوه الفگـر..شــيطفي نار البالگـلــب..
يالي سـرگت من العمر..چم شاب راح وچم محب ..
وجروح تنزف والصبر..جافاني ودموعي تصب..
يالجلست فوگ الصــدر..مـــــوكافـــي تذبـح بيها
ـــملينه يوجــوه الفگـر....وأشظل بعـــــــد تاليها
ـــــــــــــــــــــــــــ
ملينه يوجوه الفگـر...يالبعتوا روحي وعرضي
ياوسفه أنتفجرغدر...وذيــــول داعـش تمضي
ويوميه متوذر وذر..والمـوت غــارز بأرضي
شتظن بعديظهرفجر..وســـاسة فســـق راعيها
ــملينه يوجــوه الفگـر....وأشــظل بعـــــد تاليها
ـــــــــــــــــــــــــــ
ملينه يوجــوه الفگـر...تركوا العـــراق إبحاله
ماننتخب زمـرة غجر...شفناكم إنتــــوا إحثاله
وأحزابكــم ماتنذكر...لو لا الشــــعب وأرجاله
ولولا المراجع مندثر..داعش وسـر ما ضيها
ـــــــــــــــــــ
تحياتي القلبية للجميع ..