يبو صالح نزفنه إدموم

بسم الله الرحمن الرحيم
اللهم صل على محمد وال محمد
........
آه يامولاي من نار اللهيب
ياوكت نقطع الايـــد النالتك
ياضريح التقى وعندالله حبيب
أشلون بالتفجير هيه غدرتك
آه من تدريس ياحقد الرهيب
مادروا كل گلب شيعي حضرتك
..................
لطمية
...........
يبو صالح نزفنه إدموم ... مسكنه سيرة المظلوم
...
يبو صالح إبهذا اليـــــوم ... الشيعة إبمحنة الكفار
جرح يدي وجرح مالوم ... من اليجري من الصار
دمانه ماتظل للـــــــــدوم ... تسيل أنهـــار يالمغوار
الشهاده نريدها هاليوم ... مسكنه سيرة المظلوم
.......
إبحسرات وألم وهموم ... نواجه اعظم الاخطار
مسكنه سيرة المظلوم ... ونهج حيدر علي الكرار
نوفي والعقد مرسوم ... ننهض نهضت الثوار
الشهاده نريدها هاليوم ...مسكنه سيرة المظلوم
.......
يمته نشوف هاي الگوم ... تواجه ماتفر إفرار
الوعد ندري الوعد محتوم ... ما گرب يبو الحرار
نخرج من الافاعي اسموم ... وساعتها نولع النار
الشهادة نريدها هاليوم...مسكنه سيرة المظلوم
.............
نطلع هظمة الزهره ... ونار الوجرت بالدار
ونوح الحسن والحره ... ونظهر ضربت البسمار
وخوف احسين وام كلثوم ... بأيام السقيفه الصار
الشهادة نريدها اليوم ... مسكنه سيرة المظلوم
.........
وخيانتم الحامي الجار ... وطبرته وغدرة الاشرار
وچبد الحسن من سموه ... وسهام النعش والعار
ولوعت زينب الكبرى ... وشگد شافت من أخطار
الشهادة نريدها هاليوم ...مسكنه سيرة المظلوم
..........
يأرض الطف نزفتي دموم ... من الانصار والاطهار
بچه الكون وحزنتي دوم ... علىبيت النبي المختار
عطشه وشارده بالحوم ... خيمهم الشابه بالنار
الشهادة نريدها هاليوم ... مسكنه سيرة المظلوم
...........

يبو صالح تعال وشوف ... تشــــاهد شيعتك تندب
عليها طالت المــــــــــــده ...على غيابك دموع إتصب
متى تظهر تطهرهــــــــــا ... يمهدينه الگلب عطب
الشهادة نريدها هاليوم ... مسكنه سيرة المظلوم
.......
يبوصالح فلاننسه ... مصايب جدك العطشان
ولاننسه ابو السجاد ... لمن صدره صبح ميدان
ولاننسه حزن زينب ... تشوف الجثث عالتربان
الشهادة نريدها هاليوم ....مسكنه سيرة المظلوم
............

نسالكم الدعاء