ياشهر عــاشور ... چم جــرح خليت

بسم الله الرحمن الرحيم
اللهم صل على محمد وال محمد
*
المستهل
***
*
ياشهر عــاشور ... چم جــرح خليت
بيك شفت الجور ... ريت مــــاهليت
***
القصيده
*
1
ياشهر تدري إشفت مــــن آلام ... من عگب خدري إتيسرت للشام
*
وعفت عالتربان عاريه الاجسام ... آه بالآلام والحـــــــزن ضليت
***
2
آه ياعاشور وإشعمل دهري ... غدروا الاطهاروأسلبوا خـــدري
*
صرت بالوديان أتعثر بصبري ... الگوم منهجمت ياهلـــــي ذليت
***
3
تسمع ينادي بون شهر عاشور ... وينحب ويبچي والگلب مكسور
*
لابس الاسود شما تمر عصور ... عالجره والصار بكربله سليت
***
4
ياجرح أشكيك بيا گلب أحچي ... خلص دمع العين بيادمع أبچي
*
روحي تلفانه بيانفس أشچــــي ... لابسه الاحزان وحشمت ونخيت
***
5
أردأسولفلك عالگمر عــــباس ... گطع الضرعان راعي النوماس
*
هب گمر هاشم بالحرب نبراس ... والگـــــدر وازاه راح ونهـــديت
***
6
ولوشفت ليله من لفه الأكــــــبر ... نهـــض شبل حسين أربك العسكر
*
فكروا حيدر من الگبر أظــــــهر ... ياحسافه وحيف من نصرع ونيت
***
7
ولوشفت رمله تصيح وين إضناي ... وين تعبي صار يالـــولد وإرباي
*
رحت ياجسام وإنگطع رجــــــواي ...يابعـــــــــــــد عيني ريتني ماجيت
***
8
يالولد يبني عــندي والله إعتاب... إشلـون تتركني بديرة الأجــــناب
*
إحترة بزماني والدمـــــــع سچاب ... گــــــوم حاچيني يالولد ناديت
***
9
والرضيع الراح درحليب إمه ...ساعه تحضن بيه ساعه إتشمه
*
تصيح ناغيني مومحل فطمه ... هموم والحسرات ضعت وحتاريت
***
10
وشفت أخويه حسين يعالج بروحه ... من الاسهام البيه ثخنت جروحه
*
يسبح ويحمد دماء مسفوحه... وعالخيم عينه يصيح وإشسويت
***
11
والشمر شفته هوعالأبن إمي ... گطع راس حــــسين وزيده الهمي
*
يارسول الله ماشفت ظــــيمي ...حشمــــــت وإنخيت والله ماخليت
***
12
ياشهر عاشور إنتظر حــــــاچيني ...لابس الاحـــــزان ولابس ونيني
*
ما نسيت اليوم ولا غـفت عيني ... إشلون ياعاشور ورجعت هليت
***

نسالكم الدعاء

__________________