من الذر انجنينه بحـبك يحسين

بسم الله الرحمن الرحيم
اللهم صل على محمد وال محمد
ولادة الحسين عليه السلام
القصيده بحق الامام الحسين عليه السلام
ياشعلة حگ تضوي بكل گلب وعين,.,يانورالله الاشرگ من اشرف نورين
من كنه بطـــور الارواح ,.,نسمع صرخة عابس صــاح
من الذر نجنينه بحـبك يحسين
* * * * * *
فاحـــت عالكونين إعطورك،،،،،بثلاثه بشعـبان

ومن شــع فوگ العالم نورك,,,,,,شــع نور الايمان

بالمـــهد الاملاك تزورك,,,,, يا مـهد القرآن

والارواح بنفخـــة صور ك ..... سجدت للرحــمن

حبك صورة الاعظم من صور اسرفيل ,.,يلي بهزت مــهدك يتفاخر جبريل

وساعة نور اجبينك لاح,.,نسمع صرخـة عابس صاح

من الذر انجنينه بحـبك يحسين
*******
بحـرك سورة حگ ويايــه ,,,,,للعالم مــــنهاج

ومهدك عـرش العز وغايه ,,,,, وحبك للـــعز تاج

وإسراءك مـن يثرب آيه,,,,بالطف المــعراج

وحبك بقلـوب الوفايه ,,,,, بيهايضوي ســــراج

يالشعلة حـــگ تضوي دروب الحرار,.,بالا صلاب تطوعنه لحــبك انصار

ومن البسنه الحـــــــب وشاح,.,نسمع صرخــــة عابس صاح

من الذرانجنينه بحـــــبك يحسين

* * * * * *
كلــها بميلادك تتشارك ,,,, بإسمـك فـرحانين

حتى الامــلاك وتتبارك ,,,, ويه الحــور العين

للمـــحشر نتبع آثارك,,,,, إي والله يحـسين

كل الشيعـه اليوم انصارك,,,, مــــوبس السبعين

لو منطوف بصحنك واحـنه بغربه بعاد,.,رسمك بقلوب احبابك يابوالسجــاد

وبكل ليله وكل مـــصباح,.,نسمع صرخة عابس صـاح

من الذرانجنينه بحـــــبك يحسين

* * * * * *

بس حبك ظل ثابت بينه ..... وحــب غيرك أوهام

لا لا مــا تنعد اسنينه ..... وحـب غيرك أيام

وجسور بحــبك مدينه .... من الطـف للشام

بي يحسين إحنــه تقوينه ..... وحاربه الظــلا م

حبك سيف ويرهــب كل ظالم ولله ,.,نهز الافلاك بصرخـة ياحسيناه

وحـــبك من صفناه سلاح ,.,نسمع صرخـــة عابس صاح

من الذرانجنينه بحبك يحــسين

* * * * * *

ضوينـــه بميلادك شمعه ،،،،، للحـــق صارت نور

وذكرك مــوبس آه الدمعه ،،،،، موبس لطم صــدور

حبك للــعز وللرفعه ،،،،، قانـــون ودستور

وإسمــك للحق اصبح قلعه ،،،، ولــكل ثائر ســور

إسمـك توراة أصبح وإنجيل وقرآن,.,بحروفه إنهدمت كل إعروش الطغيان

وكلمــه تهدم عرش وطاح ,., نسمع صرخــة عابس صاح

من الذرانجنينه بحبك يحسين

* * * * * *
الحاء إبإسمــــك حريه ,,,, ولـكل بائس قــــوت

والسين سيوف الــــــثوريه ,,,, بحــــــده الظلم يموت

والياء اليــــــد القدسيه ,,,,, المتصافـح طاغوت

والنون الـنورالشع ضيه ,,,,,من نور الــلا هوت

بحروفك إسمك يبقى يردد هذا الصــوت ,.,ما نترك حبك يحسين لحـد الموت

بكل قطره من اـــــلدم الساح ,.,نسمع صرخــــــــة عابس صاح

من الذر انجنينه بحبك يحسين
* * *
واسألكم الدعاء