..ياباالحسن جاك الفزع...استشهادالامام علي ع

بسم الله الرحمن الرحيم

اللهم صل على محمد وال محمد

ــــــــــــــــــــــــــــــــــــ

ينتظروك ينتظروك ..ذوله انصارك ينتظروك

ألبس اللامه والدرع ..ياباالحسن جاك الفزع.2

ذوله انصارك ينتظروك ..

ـــــــــــــــــــــــــــــــــــــــــــ

ياباالحســن دم والدمع عالخــدين .. سالت اعيون أملاك رب الكونين

وجبريل صاح اتهدم اركان الدين..اشلون بالاســــــــلام يابو الطيبين

ألبس اللامه والدرع ...ياباالحسن جاك الفزع .2

ــــــــــــــــــــــــــــــــــــــــــــــــــ ـ

ياباالحسن جرح الــمـراد يطرحك... ما ظن وحگ النوره شعشع صرحك

لكن قضاء الله ســاور جرحك...وماضي على گلوب التعشگك شرحك

ألبس اللامه والدرع ...يابا الحسن جاك الفزع.2

ـــــــــــــــــــــــــــــــــــــ

يامن افراش النبي صار افراشه... وأرخص لروحه وصار من حراسه

وماهاب كل الجمع الكفر وحساسه ... يواجه بعزم أهل الغدر وفــراسه

ألبس اللامه والدرع ...يابا الحسن جاك الفزع.2

ــــــــــــــــــــــــــــــــــــــــــــــ

يالواجهت عمرابن ود بالميدان..من صاح وين اهل الفراسه الشجعان

اتخاذلـت كلها يــروح القــرآن ..وانت الذي بچـــفك نصـرت الايمان

ألبس اللامه والدرع ...ياباالحسن جاك الفزع .2

ـــــــــــــــــــــــــــ

ياباالحسن ياهو الذي ما يرجاك ...تشهد بدر وحصون خيبر لولاك

ما واحد الطبه وصلها ووازاك ..ياباب علـم المصطفى اللي رباك

البس اللامة والدرع ..ياباالحسن جاك الفزع .2

ــــــــــــــــــــــــــــــــــــ

ياباالحسن شيعتك بالظيم اليوم ...يمتى الفرج يظهروللشــيعه يگوم

ويفرح الگلب الذي أنساگ اسموم...من أحافدابوسفيان أرذال الگوم

ألبس اللامه والدرع ...ياباالحسن جاك الفزع.2

ــــــــــــــــــــــــــــــــــــــــــــــــــ ـــ

ياباالحسن آهل الضغائن يردون ...يطفون نور الله بس ميگدرون

فجروا كل مسجد البيه ايذكرون..اسمك يروح المصطفى ويتباهون

البس اللامه والدرع ..ياباالحسن جاك الفزع .2

ــــــــــــــــــــــــــــــــــــــــــــــــــ ــ

أنهض يراعي الزود سل الفقار... وهاي الجحافل جايه تريد الثار

منك يخوسيد الرسالة المختار... يطلبوك ثار اصنامهم يامغـــوار

ألبس اللامه والدرع ...يابا الحسن جاك الفزع .2

ــــــــــــــــــــــــــــــــــــــــــــــــ

ياباالحسن محرابك يضل موجوع ..لا ما ماظهر سيف النصروالمسموع

ويگطع اعروق الغدروالحقد يموع ...وينشرعدلها ويبري گلب المفجوع

ألبس اللامه والدرع ...ياباالحسن جاك الفزع .2

ــــــــــــــــــــــــــــــــــــــــــــــــــ ـ

نسالكم الدعاء