شوعــــــالثرة نايم ...ويلي على القاسم

اللهم صل على محمد وال محمد
ـــــــــــــــــــــــــــــــــــــــــــــ
(1)
يبني السلوة للـدلال أنته ونتي ونوحي..

ومن صغـرك أعــد لحظات تكـبر يابعـد روحي
ما ظنك نسيت أرباي وسهرالليل وجـروحي..

من بعـد الحسـن يبني تراعــــيني الكبر جازم

شوعــــــالثرة نايم ...ويلي على القاسم
(2)
وين الوعد گوم اليوم كل لحظه الگلب يوگف..

هاي أجيوش ابن سفيان صفة عالخيم فد صف
أشوفك عالترب مذبوح ودمك حنه أرض الطف..

عقب عينك بقه عمك بين أهل الغدر هايم

شوعــــــالثرة نايم ..ويلي على القاسم
(3)
هايم ضل ابو السجاد وحيد بين غـداره ...

ساعه ينازع إجروحه وساعه يگوم عالغاره
وساعه عالخيم يوگف يشوف العيله محتاره .

.وساعه للكفيل إيروح يعاتب بي وينادم

شوعــــــالثرة نايم ..ويلي على القاسم

(4)
ينادمكم ابن حيدر واحد واحد ومهظوم ..

وقلبه منشطر نصيين من العطش ومن اللوم
يبني والحرم تنطر يجيب الماي من الگوم ..

رد ألـنه المهر خالي وعمك عالأرض جاثم

ــشو عــــــالثرة نايم ..ويلي على القاسم
(5)

أشو دهري غدر بيي وضاع الأمل يارجواي .

.ترجع سالم وغانم يبن الحسن ياسلـواي
ماقصـرت لا يبني وافـيت الزچـيه بهاي.

.دمك ويدمه الأطهار زلزل كـل حكم ظالم

شو عــــــالثرة نايم ...ويلي على القاسم
(6)
أشلــون أتعيفيني أوتروح بين أعـداك يجنيني.

.ألك أشكي ألم گلبي يبني ويانظـر عيني
ياوســف وألف ياحيف أنســـيت البينك وبيني.

. العهد بيدك تچفني وماتتركني للوادم

شو عــــــالثرة نايم .. ويلي على القاسم
(7)
يايمه العهد منك أخــذته يافـــرح دنياي..

اليوم الضيچ يولـيـدي ردتــك يابعـــد عيناي
هاي الگوم مجتمعة ماضل يالولد كل راي.

.أنهض وألبس الأيمان يبني لا تضـل نايم

شو عــــــالثرة نايم ..ويلي على القاسم
(8)
هـــز أعـروشهم يبني أبدمـــك ياثمر گلبي .

.وأرسم لـوحة الأخلاص لرسول الله ياحبي
والعمــك ابو السـجاد أرفع سـيفك ولبي .

.وهـاي الگــوم بالميدان تطلب منك اتهاجم

شو عــــــالثرة نايم ..ويلي على القاسم
(9)
يبني أهل الحقد يبني متجرد من الاخلاق ..

متوذر وذر جسمك ومسلوب الهدم يشـراق
الشمس أنوارهالغابة علينه وظلمة الافاق ..

.بعدكم يابعد عيناي وعدوك مجرم وظاـلـم

ـــشو عــــــالثرة نايم ..ويلي على القاسم
نسألكم الدعاء