الــــرضا يانور عيني النفس ولهانه

بسم الله الرحمن الرحيم
اللهم صل على محمد وال محمد
........
شوگي يم امـــــــامي وروحي تعبانه
احب امسك ضريحه واحضن الشباك

الــــرضا يانور عيني النفس ولهانه
منيتها تزورك غامـــــــــرة بطرواك

ياشمس الشموس البعــــــــــد أذانه
يمتى انشوف نورك لـــوحلم نلگـاك

اشــم عتب الباب وأشــــــــــم بنيانه
ومسح بيدي وجـــهي فـارح بملگاك

أصيح ابصوت حزني وأرج ليوانه
ياغربت حبيبي صاح مــــــن والاك


أنت الشمس بيك النبي وصــــــانه
نشق درب المنايا أرواحــنه تفداك

ياأبن الرسالة وفصــــــــــح قرآنه
من صــغري احبك والگلب يهواك

أحب كلمن يحــــبك وأنت رجـوانه
بيوم الفزع الاكـبر يالـولـي أرجاك

ياثمرة الزهـــرة وعلي سـلـــوانه
ياقرة اعيون الشـيـعه آني انخــاك

آه مـــــــن الـحقــد ســـيفه تولانـه
لحد هاليوم باق بقســــوة العاداك

ياعدل الالاه إو نورَ واحســــــــــانه
ياقرآن عمـــــــــــــــري دوم أتمناك

إنت الحب جعلته يزهـر ألــــــــوانه
في أنفــس الشــيعة وأبد ماننسـاك
.....
نسالكم الدعاء