لو عليه الليل ياجاسم يجن... يبني أوج بنار فگدك وال

اللهم صل على محمد وال محمد

القصيدة
ام القاسم بن الحسن عليه السلام
تصف الحال

لو عليه الليل ياجاسم يجن... يبني أوج بنار فگدك والمحن

ولون طيفك عَليٌ ياجاسم يمر... يبني أحس بحشاي يتوجر جمر

نفذ صبري وبعد شيفيد الصبر... وجرح فگدك بعد يشفه لاتظن

يبني أوج بنار فگدك والمحن

شلون يشفه وطيبه ترهمله بعد ...يالوحيد وغيرك إشعندي ضمد

رحت عني وحيلي يوليدي إنضهد ... أصبحت ام المحن وام الحزن

يبني أوج بنار فگدك والمحن

ياگمر دنياي يمطول الغياب...أبگه أنوحاً لوشفت مرة شباب

وسفه يبني كل حياتي بالمصاب... يافوأدي وسلوتي خان الزمن

يبني أوج بنار فگدك والمحن

ياحبيبي الزمن راواني العجب ... ميسره للشام رحنه ويالغرب

أمشي وأتعثر وعيوني تصب ... سوده ظلت دنيتي نوح وحزن

يبني أوج بنارفگدك والمحن

بدمع فگدك يبني أعجن حنتك ... ومن لهيب إحشاي أعلگ شمعتك

يالولــــــــــد تطلب ربها الربتك ... عفت گلب إمك يجــــاسم ممتحن

يبني أوج بنار فگدك والمحن

ممتحن گلبي عگب ذاك الإبه ... چنت لاخر عمري يبني محسبه

يبني سهم الدهر چبدي صوبه ... وبعد ما أغفه ولا يغمض جفين
تمت