ـــشو عــــــالثرة نايم ..ويلي على القاسم

بسم الله الرحمن الرحيم
اللهم صل على محمد وال محمد
ـــــــــــــــــــــــــــــــــــــــــــــ

ويلي على القاسم ..شوعــــــالثرة نايم ...ويلي على القاسم

ويلي على القاسم ..شوعــــــالثرة نايم ...ويلي على القاسم
ـــــــــــــــــــــــــــــــــــ
(1)
يبني السلوة للـدلال أنته ونتي ونوحي..ومن صغـــرك أعــد لحظات تكــــبر يابعـــد روحي
ما ظنك نسيت أرباي وسهرالليل وجـروحي..ومن بعـد الحسـن يبني تراعــــيني الكبر جازم

ويلي على القاسم ..شوعــــــالثرة نايم ...ويلي على القاسم
ــــــــــــــــــــــــــــــــــــــــــــــــــ ــــ
(2)
وين الوعد گوم اليوم كل لحظه الگلب يوگف..هاي أجيوش ابن سفيان صفت عالخيم صف صف
وأشوفك عالترب مذبوح ودمك حنه أرض الطف..عقب عينك بگه عمك بين اهل الغدر هايم

ويلي على القاسم ..شوعــــــالثرة نايم ..ويلي على القاسم
ــــــــــــــــــــــــــــــــــــــــــــــــــ
(3)
هايم ضل ابو السجاد وحيد بين غـداره ...ساعه ينازع إجروحه وساعه يگوم عالغاره
وساعه عالخيم يوگف يشوف العيله محتاره ..وساعه للكفيل إيروح يعاتب بيه إو ينادم

ويلي على القاسم ..شوعــــــالثرة نايم ..ويلي على القاسم

ـــــــــــــــــــــــــــــــــــــــــــــ
(4)
ينادمكم ابن حيدر واحد واحد ومهظوم ..وگلبه منشطر نصيين من العطش إو من اللوم
يبني والحرم تنطر يجيب الماي من الگوم ..ردألـنه المهر خالي وعمك عالأرض جاثم

ويلي على القاسم ــشو عــــــالثرة نايم ..ويلي على القاسم
ــــــــــــــــــــــــــــــــــــــــــــــــــ
(5)

أشو دهري غدر بيي وضاع الأمل يارجواي ..تمنيتك ترد سالم يبن الحسن ياسلواي
ماقصـرت لا يبني وافـيت الزچـيه بهاي..دمك ويدمه الأطهار زلزل كـل حكم ظالم

ويلي على القاسم ..شو عــــــالثرة نايم ...ويلي على القاسم
ــــــــــــــــــــــــــــــــــــ
(6)
اشلـــون اتعيفيني إوتروح بين أعـداك يجنيني..ألك اشكي ألم گلبي يبني ويانظـر عيني
ياوســف وألف ياحيف أنســـيت البينك إوبيني.. العهد بيدك تچفني وماتتركني للوادم

ويلي على القاسم ..شو عــــــالثرة نايم .. ويلي على القاسم
ــــــــــــــــــــــــــــــــــــــــــــــــــ
(7)
يايمه العهد منك أخــذته يافـــرح دنياي..اليوم الضيچ يولـيـدي ردتــك يابعـــد عيناي
هاي الگوم مجتمعة ماضل يالولد كل راي..أنهض وألبس الأيمان يبني لا تضـل نايم

ويلي على القاسم ..شو عــــــالثرة نايم ..ويلي على القاسم
ــــــــــــــــــــــــــــــــــــــــــــــــــ ـــــ
(8)
هـــز أعـروشهم يبني أبدمـــك ياثمر گلبي ..وأرسم لـوحة الأخلاص لرسول الله ياحبي
والعمــك ابو السـجاد أرفع سـيفك إولبي ..وهـاي الگــوم بالميدان تطلب منك اتهاجم

ويلي على القاسم ..شو عــــــالثرة نايم ..ويلي على القاسم
ــــــــــــــــــــــــــــــــــــــــــــــــــ ــــ
(9)
يبني أهل الحقد يبني متجرد من الاخلاق ..متوذر وذر جسمك وراسك عالرمح اشراق
الشمس أنوارهاغابة علينه وظلمة الافاق ...بعدكم يابعد عيناي عدوك مجرم وظاـلـم

ويلي على القاسم ـــشو عــــــالثرة نايم ..ويلي على القاسم
ــــــــــــــــــــــــــــــــــــــــــــــ
نسألكم الدعاء