اشلون اتحمل فرگاكـــم..يابويه اخذوني اوياكم

بسم الله الرحمن الرحيم
اللهم صل على محمد وال محمد ـــ
ـــــــــــــــــــــــــــــــــــــــــ
اشلون اتحمل فرگاكـــم..يابويه اخذوني اوياكم
ياسلوة عمري وروحي..ما تسمع وني ونوحي
يابويه اخذوني اوياكم
ــــــــــــــــــــــــــــــــــــــ
(1)
يهل الكرم والطــــــيب وأهل الغيرة
لا تتركوني الحســـــــرتي والحـــيرة
ودارالضيافه بعد مــن هــــو يديره
يهـل الـــــــــرحم والله علـيه اچـــــبيرة
ــــــــــــــــــــــــــــــــ
يابويه وحشه ابلياكم..يابويه الدار التحواكم
يابويه سهم ارموني..يابويه وشـــــل اعيوني
يابويه اخذوني اوياكم
ــــــــــــــــــــــــــــــــــــ
(2)
الداروحشه والمــــــرض مــــــا ذيني
لا أخــــــــــــــوتي ولا خلتي أتـسليني
وبس الصدى أواسيه ويواســـــيني
يابويه وحـــــــــــــــــدي ألمن مخليني
ــــــــــــــــــــــــــــــــــــ
يابويه أطلب نجواكم ...يابويه أنطر مسعاكم
يابويه خوف اظنوني ...يابويه الكل ينســـــوني
يابويه اخذوني اوياكم
ـــــــــــــــــــــــــــــــــــــــــــــ
(3)ـ
وين الذي يســــــــمـــع وينيني ونوحي
يوصل لعدحسين يشكي اجــروحي
ويخـــــــــبرعني شريان گلـــبي اليوحي
يوگف من أفراگـــــــــه وتودع روحي
ـــــــــــــــــــــــــــــــــــــــــــــ
يابويه عهدي أرضاكم..يابويه ودي ارعاكم
يابويه الجن اجنوني ...يابويه من اتركتوني
يابويه اخذوني اوياكم
ــــــــــــــــــــــــــــــــــــــــــ
(4)ـ
يابويه سر گلبي عزيزي الاكبر
من دگ ألي صدره وابد متعذر
گال بصراحه وحق جدچ حيدر
آني اللذي يختي اتعنه واحضر
ـــــــــــــــــــــــــــ
يابويه اعهد رجواكم..يابويه منهو اليسلاكم
يابويه الي لامــــــوني..يابويه حـــــــيل أذوني
يابويه اخذوني اوياكم
ـــــــــــــــــــــــــــــــــــــ
(5)
يابويه ســــــــبع الگنطـــــــره العاهــــدني
من المـــرض اشفي ويجــــي ياخذني
اشلون اشفــــى واني دهـــري يضدني
مـــــن بعــــد نــــور اوجـــــوكم جــــردني
ــــــــــــــــــــــــــــــــــ
يابويه من سلواكم ..يابويه ومن ملگاكم
يابويه دهري الذبني..يابويه حيل أتعبني
يابويه أخذوني اوياكم
ـــــــــــــــــــــــــــــــــــــــــ
(6)
يابويه من شاهدت عمي العباس
قائد اضعون الفاطمية النوماس
تمنيت مقطوعــــه يبويه الانفاس
ولاتنظر اعيوني جمع هاي الناس
ــــــــــــــــــــــــــــــــــــــــــــ
يابويه اسمعت انداكم ..يابويه وهدني ابچاكم
يابويه ما صحتوني ...يابويه خليتوني
يابويه أخذوني اوياكم
ــــــــــــــــــــــــــــــــــــــــــــ
(7)
يابويه من هـــــــــــــو الذي يرعاني
وآني العليله المرض حيل أذاني
وسدني لحدي وبس جســـم خلاني
حتى الصـــبرمني اعتذر ماجوني
ــــــــــــــــــــــــــــــــــ
يابويه إشگد اتناكم ..يابويه حتى احواكم
يابويه لا تانوني ..يابويه لا تنســـوني
يابويه اخذوني اوياكم
ــــــــــــــــــــــــــــــــــــــــــــــــــ
(8)ـ
يابويه أضل وحـــدي إبوحشة وليان
اشلــــــــون تقـــبل ياحــــــــبيب الديان
آني العــــليله اتعفــــــــــيني بلا خـلان
ولهمـــــــومي تتركـــني ينور القـــــــران
ـــــــــــــــــــــــــــــ
يابويه أني ارعاكم..يابويه بروحي افداكم
يابويه لا لتلوموني ..يابويه لا لتحرموني
يابويه اخذوني اوياكم
ــــــــــــــــــــــــــــــــــــ

نسألكم الدعاء