حمـيدة مسلم اتنادي ,,,, اذكرو اللي عليٌ سادي

بسم الله الرحمن الرحيم
اللهم صل على محمد وال محمد
,,,,,,
حمـيدة مسلم اتنادي ,,,, اذكرو اللي عليٌ سادي
يشيـــعه ذايب افؤادي ,,, يتيمه والحــزن زادي
اذكرو اللي عليٌ سادي
,,,,,,,,,,,
انشعب گلبي وكـــثر وني ابويه من رحل عـني
سلاني الهجروأرهگني يشيعة من صغر سني
الليل اليمر يعــــــربني ولا يطبگ جفــــن مني
أضل اتنطر يضمني اعله صدره وثغره يرشفني
اشلون اصبرعلى فرگاه يريت الموت ياخـــذني
يتيمه والحزن زادي اذكرو الي علي ســــادي
,,,,,,,,
أذكرلو لفه الوالي أحس من روحــــــــهه ينطيني
اماني ابدنيتي أرسم لوحة فرحـــــــــــه ابسـنيني
اغمض اعيوني عالسلوه ومن نفســـــــه تراعيني
يغطيني ابحنان وشوگ أناغـــــــــــــيه و يناغيني
يشيعه من غيابه طال زاد النــــــوح و اونيني
يتيمه والحزن زادي اذكر والي علي ســـــــادي
,,,,
اساير ليلي أتأمل الفـــــــــــــــرحه تبعد اهمومي
اعاتب امي بآلامي ودمعـــــــــــــها بلل اهدومي
تصبرني واهي مثلي كســـــــــرها البين وتحومي
تسأل والدمع همال يغالــــــــــــــي ماردت يومي
بعدك ياعزيز الروح يبوطاهــــــــــر عفت نومي
يتيمه والحزن زادي اذكر والي علي ســـادي
,,,,,,,,
ارد أتكلم إلي صارتاريخ الجره من اسنين
النفاق امجذر اوياهم وجهلهم بيه مغمورين
الحقد موروث ماينزال ولا يتعده الاشـرايين
الغدر بإدماهم إيفجرنبع من دم الشــــــياطين
حاضر بين اظهرهم الرسول وهمه مستعرين
يشيعه ذايب افؤادي اذكرو الي علي سادي
,,,,,,
ماحشموا رسول الله على الاعقاب مرتدين
دارالحق تشب النار بيها وهظموا الطيبين
ضلع الطاهره الحره انكسروهتزت الكونين
سيد الرسل نور العين مسجه وشاهد الجافين
الصبر إلكم يهل بيتي ينادي ويهل دمع العين
يشيعه ذايب افؤادي اذكرو الي علي سادي
,,,,
كتب الغدروالفجارانكرت من حــــكم صفين
ذاك الصعد للتحكيم وأخلع ســــــــــيد الطيبين
الخداع يجول بأنفسهم من الاجداد مكتســــبين
عرگ الجــــــاهلية يفور مــــــاينشال بالجنبين
آكلت الاكـــــــــــباد إمهم وأبوهم سيد الباغين
يشيعه ذايب افؤادي اذكرو الي علي سادي
,,,,,
سيف الصـــال عالكفار يحز بعروگهم للحين
ماتركوا بدر وحنين ولاخـــــــــيبر ولا صفين
يطلبون الذي حطم اصــــــنام الكفـــر بالسيفين
أرباب الكفر ارجاس اساس عالغـــــدر ماشين
هذا الي جرة والصارلاعـــــــدهم عـــهد لادين
يشيعه ذايب افؤادي اذكرو الي علي سادي
,,,,,,,
ياشيعة علي الكرارأول سهم صـــــــاب العين
مسلم خانته الاشرارحايرما بگــــــــــاله معين
ضل وحده غريب الدارشال الحـــمل عالكفين
كف يواجه الاخطاروكف يرد خــــبر لحسين
مايتعنه للكوفه انگلبت هـــــــــــالجمع صوبين
يشيعه ذايب افؤادي اذكرو الي علي سادي
,,,,,,
يشيعه الدهر خــلاني ألوجا وحدي باحــزاني
حسافه اندارت الايام أخــذ مني إل يرعـــاني
زيغيرت سن تولاني وحـگ إل ما أله ثاني
يسهم الصابني ارماني شلني وزادت اشجاني
حتى احسين نور العين ابنار البين چــــواني
يتيمه والحزن زادي اذكرو الي علي ســـــــادي
,,,
نسالكم الدعاء

__________________