مجمع الهوسات والنعي بأنواعه ..والدستات للمواكب السيارة ..

بِسْمِ اللهِ الْرَّحْمَنِ الرَّحِيِمِ
الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ وعَجِّلْ فَرَجَهُمْ وَالْعَنْ أَعْدَائَهُمْ
الْسَّلامٌ عَلَيٌكٌمْ وَرَحْمَةٌ الله وَبَرَكَاتٌهٌ

............
يبو السجاد گوم اليوم إجتك زاحفه إملايين
أنصارك ماتهاب الموت مثل أنصارك السبيعين
سيارات تتفخخ وألغام الحقد مبنيه إلك يحسين
نهر دمايه اليوصل ليك الحاقد مارجعني
*****
يبو اليمه الزحف طبلك ولــــــبى إنداك
وصوت الله اكبر يصرخ لــــــإـرجواك
إبرسول الله وكتابه وعــــــترته أنخاك
يوم المحشر تشفع وإنت الآيه وبالقرآن
.........

الرجعه الى المدينه
.
زينب من مشت زينب لمــدينة جدها طبتها
لا وليان وياها وحـــادي الظعن مو إعــــدها
وتفرك راح فوگ الراح وتكسر الصخر ونتها
مصيوبه ياجدي إبگلبي ..مصيوبه ياجدي ابگلبي
,,,,,
إنجمعة بالمدينة.. الحرم والرضعان
لأن إمي البين.. تصـــــيح يارحمن
وين إشبول هاشم.. شمعة الشــبان
چاوينه سباحة گلبي إعيوني ..چاوينه


....
صاحت زينب إبحرگه وگلب مكسور
ما گصر ابوفاضل وإخــــوته إنسور
بس الگدر وازاهم وطفـــــــــه النور
مصاب الصاب الزهره صابچ ذاك اليوم
.....
إنشد عــــــــالولي ونور الإلاه حسين
فدوه نروح كلنه إلأثر هــــــــــالطيبين
يزينب ما ســـــــــألتچ عالشجاعه وين
إسألتچ نور إعيوني إلآيه من القرآن
’’’’
نسألكم الدعاء
......................
بسم الله الرحمن الرحيم
اللهم صل على محمد وآل محمد
الهوسات للأكبر

,

آنه الوالده عدمن إمخليني
يوليدي يالأكبر يابعد عيني
ييمه للـــگبر بيدك توديني
يالأكبر خيبت أمالي
,
آنه إمك يالأكبر والدهر ذبني
يالردتك العازاتي وكبر سني
عسه گبلك ييمه الموت ماخذني
يحبيب ردتك للعازه
,
ينور العين لإمك گوم حــــــا چيها
وإسالها عالضيم اللي جره عليها
حبيبي ما گلت عـــــــدمن إمخليها
آحا من عگبك مهضومه
.............
الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ وعَجِّلْ فَرَجَهُمْ وَالْعَنْ أَعْدَائَهُمْ
الْسَّلامٌ عَلَيٌكٌمْ وَرَحْمَةٌ الله وَبَرَكَاتٌهٌ
هوسات
في ذكرى وفاة الزهراء عليها افضل الصلاة والسلام

.........

أركــــــــان العرش والكون مرتجين

بمصـــــــــاب الزچيه زهرة الطيبين

ودم إدمــــــــوع حيدر جرفن الخدين

الله يساعد گلبه ..الكسر الشافه يشيب الراس

......
يابضعـة رســـــــــول الله ونور الكـــــون
ياإم إلأبوهــــا وجـــــــوهـــــــر المــكنون
يا ضلع إنكسرمن عصــرة الملعــــــــــون
گلي إشگل الروحـــه وإنتي النور بالقرآن
گلي إشگل الروحه وإنت الآيه من الرحمن
......
اليوم اليوم ابو الحسينين گام يودع الزهره
وحسرات الگلب توجع وعبره إتجربأثرعبره
ياحيف الدهر غدار خله بالصـــــدر حسره
گلي إشلون أتحمل راح الغالي وشد الظيم

................

هوسات
ذكرى مولد الامام الحسين روحي له الفداء

.......
مولــــــــودك ينور العين بيه تهلهل الأكوان
هنت فاطمة الزهره وحيدر علي عالي الشان
وجبرائيل يالغالي نزل مـــــــن العرش فرحان
تصور منهو الدزه تصور منهو الدزه .. رب العز ورب الكون
تصور باسه إبخده تصور باسه إبخده... شمه وهنه الزهره عليه
.............
نزل من العرش جبريل بسمك والمــــــهد شده
وگال من الجليل إسمك حسين وجوهرك عنده
ورسول الله حمد ربه وحضن ريحـــانته إبوده
كبر وزهر نوره.. كبر وزهر نوره ونور عالأكوان

..........
فرحان الرســــــــــــول يشمه ويشده
صاح حسين مني وآنه مــــــــــن عِنده
ياسيد الشباب أكــــــوانه إمـــــــعيده
بيك إتبارك گامت بيك إتبارك گامت::: كل أفلاك الكون





بسم الله الرحمن الرحيم
اللهم صل على محمد وال محمد
هوسات
ذكرى مولد الامام الحجه عجل اللهم فرجه الشريف
...............


نولد روح العداله وبيه فرحانين
نهني نرجـس وذاك بطل صفين
متمسكين بيكم ياعمـاد الدين
إنتم روح الامه .. إنتم روح الإمه ...وانتم نور عالاكون
............
افرح يالموالي وإنشــــد الأشعار
إبولد نور عيني محــــرر الاقطار
المهدي ابن الصمده حيدر الكرار
هوالحق الثابت ..هو الحق الثابت .. شعشع بالأنوار
........
شمس الحق تشع بإسمه وتنور الكون
الأمر من الجليل وكلكم تعـــــــــــرفون
يقضي عالفتن ويحارب المـــــــــلعون
تمسك بيه تمسك ... تمسك بيه تمسك ...نور من القرآن
والسلام عليكم ورحمة الله وبركاته ....
ونسالكم الدعاء
..............
بسم الله الرحمن الرحيم
اللهم صل على محمد وال محمد
......
الهوسات ...

تدري الموت هز الموت وفجــــر بالأرض بركان
من حيدر علي طبروه انهيار وزلـــــــزل الأوطان
وصرخه من السماء اتصيح رايح ياهدى الإيمان
تهدمت والله أركان الهدى
.................
ويوم الطف خسف بالطف بچفوفه الفرات انهار
إبن حيدر شبل هاشم ابو فاضــــل شهاب إودار
وبرگاب العده لوح وصار عصــار فوگ إعصار
عد عينچ يازينب يصرخ
::::::::
بسم الله الرحمن الرحيم
اللهم صل على محمد وآل محمد
طبت الكوفه عاى الحوراء زينب عليها السلام
..............

ياشيعة علـــي هاليوم جرح الگلب شيروفه
زينب بت علـــي الكرار فوگ إلهزل مچتوفه
إوفوگ الرمح راس حسين إمخضب بالدمه إتشوفه
الأصـــــــعب وأكلف طب الكوفه
أتذكر حـــــيدر وإضيوفه
وصولاتك حـيدر موصوفه

................
دخول الشام
............
تشفي إجـــــروح إلبگلبي لوتشفى إوصدگ تِلتام
يظل منهه جرح ينزف يشيعه الجرح جرح الشام
عگب الخـــدر والهيبه ياشيعه إبخرابه إتنام
آلام بروحـــــــــي يلچمني
أيوب المـــــايحمل وني
ضرب السوط الهادل متني
وچتال حســـــــــين إيشتمني
بثاراتچ بدر يذكـــــــــــــرني
وينك ياحيدر تحــــــــــــــــضرني
::::

آآ يالراح مني وعافني إذليله
دخلت خوي لأرض الشام هاليله
حيملي إثگيل ياهوغيرك إيشيله
اختك متحيره إمخليه
.....
يعباس الشماته إشلون أواجها
وعيني من الدمع ماأگدر الزمها
وإجروح الشفته منهــــو يحملها
ياگلب اليتحمل مثلي
..........
إشنسه ياجرح ياجرح أضمدنه
ويا گلب الأسكته ما يجـر ونه
وچتالك يخـويه بعيني أشوفنه
أتكابر لوشفت الشامت

......

ليش سميته جبل وشلت الطفـــوف
وكل حرف نوره يشع فوق العرش
تدري كلمت طف على العالم تطوف
ونور ابو السجاد يشرگ كالشمس
................
الهوسات
الطاء البالطفــــــوف توصف الطاعه
وتسجد للإلاه الشمـــــــــس فزاعه
تظـــم مرقد ابوالســــجاد كل ساعه
نور ينور هوالنور البيه النور... النور ينور
....
الفاء إلكل فكر إرشاد يضوي بقلعة الاحرار
من حر الرياحي والحبيب وزهـرة الانصار
نوجدت قطرة الدم جمـــــر عالاشرار
الجنه الفايز بيه الحر أبدا ماتنقاس

::::::::::

بسم الله تعالى
.....
الگوم التضرب إمتوني وعــــالأيتام تتبختر
يشفي جروح إلبگلبي يخويه لونهض حيدر
وسيف الواحد القهار ابو الحسنين المشكر
ذوالفقارالأيه وحيدر سوره مـــــن القرآن
.....
علي قرآن ناطق والشمـــــــس ردهـــــــــا
بميزان العداله صار مـــــــــــــــــــــنشدها
رادوااثارهم من بدر جـــــــــــــــــــــــردها
ويوم الخندق عيده وجندل بيه إعــــــــدها
.......
هبل شيطانهم والخمـــــره موردها
وابن زياد دگ طبول مــــــــعبدها
ويزيد الچان للخمره يواســــــدها
عدهم قائد خمره والوهابي يناصربيه
.............
جبت الروس والآلام تبرالي
يبو السجاد عگبك ضاعت آمالي
شفت ظيم وهوايل ماله تالي
من يومك مانامت عيني
......
مانامت عيوني ولاكليت الزاد
عفت جسم سليب وگيدوني گياد
وياماي الأشربه أتذكر الأكباد
الله اكبر يابن إمي
..............
مرجع الرؤؤس

.

آنه احتريت ادفنه الراس لودفنه إبوسط عيناي

ومنهو إلي يسليني يبو السجاد وإبممشاي

ولوإوصل بلد جدي منهو الي يطب وياي

وأشكيله اللي صار إبحالي

.....

تعنت لمسنايه تدور وين ابوفاضل

تريد تعاتبه وتحچي ماگصر بالمنازل

لچن ياحيف والوسفه مايدري الگدر واصل

ماگصر عباس ويانه

ضحه بروحه وماخلانه

ولچفوفه گطع رجوانه

بس الدهر الخان إويانه
:::
يخويه ويابعد عناي أدري الگدر ماخلاك

يعباس الدهر قاسي إنسبينه بيد ألد إعداك

يبن حيدر لونك حي منهو اليوصل للمحماك

إبن الضارب بالسفين مجرب والله

::::

يبو السجاد گوم اليوم إجتك زاحفه إملايين

أنصارك ماتهاب الموت مثل أنصارك السبيعين

سيارات تتفخخ وألغام الحقد مبنيه إلك يحسين

الحاقد ماخوفني موذر أوصل ليك

نهر دمايه اليوصل ليك الحاقد مارجعني

*****

يبو اليمه الزحف طبلك ولبى إنداك

وصوت الله اكبر يصرخ لرجواك

إبرسول الله وكتابه وعترته ننخاك

يوم المحشر تشفع وإنت الآيه وبالقرآن

::::
الرجعه الى المدينه

.
زينب من مشت زينب لمــدينة جدها طبتها
لا وليان وياها وحـــادي الظعن مو إعدها
وتفرك راح فوگ الراح وتكسر الصخر ونتها
مصيوبه ياجدي إبگلبي ..مصيوبه ياجدي ابگلبي
::::
بِسْمِ اللهِ الْرَّحْمَنِ الرَّحِيِمِ

الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ وعَجِّلْ فَرَجَهُمْ وَالْعَنْ أَعْدَائَهُمْ
إنجمعة بالمدينة.. الحرم والرضعان
لأن إمي البين.. تصيح يارحمن
وين إشبول هاشم.. شمعة الشبان
واحسين إعيوني ..چاوينه......
....
صاحت زينب إبحرگه وگلب مكسور
ما گصر ابوفاضل وإخوته إنسور
بس الگدر وازاهم وطفه النور
مصاب الصاب الزهره صابچ ذاك اليوم
.....
إنشد عالولي ونور الإلاه حسين
فدوه نروح كلنه إلأثر هالطيبين
يزينب ما سألتچ عالشجاعه وين
إسألتج نور إعيوني الآيه من القرآن

.....................