ثلاث دگات ...ياعم يجابرإكوم وتلگله الضعينه

بسم الله الرحمن الرحيم
اللهم صل على محمد وال محمد ..
...........
من اليســر جاك الولي وعمته الحزينه ...ياعــم يجابر إگـــــوم وتلگله الضعينه
.......
ياعم يجابر گوم واسي الحـــــــــرة زينب...ردت والهمــــــوم أبگلبها نار تلهب
عگب الاخـــــوه سارت أدروب المتنطب...ودخلت على أبن الطليق الباع دينه
....
شاهدت لوعات الدهر بت علي الكــــرار ... بين الاشرار مچتفه والحيل منهار
وصوت الارامل داويه من رعب الاشـرار...ياگلب تحمل ياصــبر الباري يعينه
........
چم هم حمل گلب الحزينه وچم ألم بيه ...وچم جرح خزن والطبيب عاجز يداويه
من بعد سبع الگنطره النوح چـــاويه...وسوط الشمــــرقاسي على متن الحنينه
.....
السوط يصرخ بألم زينب يهتف احسـين ...اشلون اختك يالــولــي بيد الملاعين
وأنهض يريحانة الزهرة وقــــرة العـين ...وساعــد عقيلة حــيدره إوهود ونينه
.......
صاح وحسرته أل بالگلب الكل سمعها...أعرف وحگ ضلع البتول أعرف وضعها
من فم حبيبي المصطفى سامع وجعها...وإدمــــوع عينه وعيني تهمل دم حسينه
......
ياابو السجاد آني جابر اسمــــــع انداي ...انت حبيبي وكـــــل كياني بهاي دنياي
اشلون تجفي إوماتجاوبني يرجـــــواي ...هل للحبيب يجافي حـــبه إو نور عينه
......
مولاي هاي العائلة جائتكم اضــــــيوف ...وانت الذي جود الفتحته صار موصوف
أنهض يبن نور الرسالة وخفف الخوف ...وارفـــع هظم زينب يبن سيد المدينة
.............
نسألكم الدعاء

__________________