|
|
|
طوعه حزينه ’’’وين اليعينه
صفحة 1 من اصل 1 • شاطر
طوعه حزينه ’’’وين اليعينه
من طرف ابومهندالسلامي النجفي الأربعاء ديسمبر 01, 2010 6:20 am
بسم الله تعالى
اللهم صل على محمد وال محمد
,,,,,,,,,,,
طوعه حزينه ’’’وين اليعينه
مسلم تشوفه مهموم ...خانته الكوفه هاليوم
تسمع ونينه ...وين اليعينه
...........
وين اليصل لحسين يشكيله الحال
لا يعتني للكـــــوفه ويشد إرحال
يرجع العيله للـــــــوطن والأطفال
تسربت ويالريح كــــــــتب الأرذال
’,’
إنگلبت علينه ,,,إل مبايعينه
باعت الدين إبدينار ,,,إنجمعت إنفوس الأشرار
مسلم ويلينه ... وين اليعينه
,,,,,,,,,,,,,
يحسين خانوا مسلم أرذال الگوم
كتب الإجتك بيه حـــــقد المضموم
صفين عادوه وحـــــــكمه المشؤم
حقد السقيفه نزرع من ذاك اليوم
’,’
خانوا نبينه ...وحيدر ويلينه
ضلع الزچيه يشهد ...نبع الحقد يجدد
وطبرت علينه ... وين اليعينه
,,,,,,,,,,,,,
مسلم سفيرك يبو اليمـــــه وحده
عگب العهد وإجموعه المحتشده
آه الأيام اندارت إبكل حـــــــــــــده
بس هاني ظل محـــتار محد عنده
’,’
جافته إسنينه ... دمعته إبعينه
إتذكر إقدوم حسين ...ومسلم لوعات البين
زيد ونينه ...وين اليعينه
...............
هاني ابن عروه إبلوعته والحسره
القصر الإماره إنجاب والـــدم يجره
ومسلم سفير حسين حـــــار إبأمره
چلل عليه الليل الله يصــــــــــــــبره
’,’
إبشدة وظغينه ...دارت علينه
ياطوعه مسلم ناداچ ... نور الجنان تعناچ
لا تردينه ... وين اليعينه
.........
نسالكم الدعاء
ابومهندالسلامي النجفي- انت رائع
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى