كعدية شمس الحقيقة تظل

بسم الله الرحمن الرحيم
,
القصيدة ..گعديه
.
شمس الحقيقه تظل ... ياهـــــــــو اليغطيها
.
ويبقى ضعيف النفس ... مايدري هاي الشمس
.
ياهو اليغطيها
*
ناس من أجل المصالح رادت تغير الحقائق
*
صار غايتها وهدفها تصور الچذاب صادق
*
وچانت بكل ظنها تگدر بيدها تزور الوثائق
*
مادرت أهل المعرفه ... هالأمر باچر تكشفه
*
وكلمن بوضعه تصنفه ... ويوگع إقناع المنافق
**
يوگع إقناع الدجل ........ وينكــــــــشف تاليها
**
تنظر بوجهه القبح ............ وأسراره من تنفضح
*
يا هو اليغطيها
*******
حاربت شرعة نبيهاورادت تغير العقائد
*
تصنف الناس بهواها هذا ناقص هذا زائد
*
وهي بس معدتها همها تمصمص عظام الموائد
*
وذاك الشهير بهرته ...نبع العقيده سوته
*
وذاك الكشف عن عورته.... تولته وصـــــارإله قائد
**
من الصفات شحمل ........ وتأمــــــــر إعليها
**
ماگامت ونشدته ........ لمن كشف عورته
**
ياهو اليغطيها
******
بالمثل گالت الوادم إن بعض الشرإهون
*
گوضت دولة إميه لن بني العباس ألعن
*
وتنطر الكل فرد منهم منَّه حتى إبليس أمن
*
ناس الخبيثه تآزره ... عدها الشرف بيع إوشره
*
بكل جهد رادت تستره ... لمن عليها تفرعن
**
كلما يميل ويزل ........... للزله تخفيها
**
وشما تظم خل تظم ......... بس من تدگ بالعظم
**
ياهو اليغطيها
*****
شما تمر أحقاب ظلت ترسم الصوره المخيفه
*
أطلگت إيد الخباثه وغلت الإيد الشــــــريفه
*
ومن سبب ذيچ السقيفه بكل زمن تطلع سقيفه
*
شوف الحسين بياوضع ... بإسم الخلافه ينصرع
*
وعالأمر لمـــــن تتطلع ... تشوف مجرم موخليفه
**
للإمه حامي إنجعل .......... وهو حراميها
**
ولو طاهره الرضعته ......... چافكـــــــــر بفعلته
**
ياهو اليغطيها
****
جند الطاغوت نفسه وقوته وخيله ورجاله
*
مولجل عز العقيده إولا لجل نشر الرساله
*
لكن بها لقوه كلها يحارب المصطفى وآله
*
راد الحسين يلازمه ..... وبيد المذله يسالمه
*
أگرب إله نجوم السمه ... وأبد ما يبلغ مناله
**
ما يدري چف البطل ........ مــــــــــحد يلاويها
**
وللإمه هي الحرم ............ وباب المجد والكرم
**
ياهو اليغطيها
***************
إحنه من نكشف الواقع أبد مو غايتنه نجرح
*
إحنه غايتنه وهدفنه نريد للأشرار نفضح
*
ياذنب سوه الحسين وخلته بدم نحره يسبح
*
عن الخلافه شما كتب ... تاريخ عباد الذهب
*
نور الحقيقه منحجب ... وصار من الشمس أوضح
**
صوت الحقيقه وصل ........ واللسن ترويها
**
ولو عظوا أعله الحدث ....... دم الجره والجثث
**
ياهو اليغطيها

جابرإينادالحبيب ..نورعيني ياغريب
.....
يحسين حاجيني أحلفك يحسين
إبضلع الزچية وسيد المعصومين
ياســيدي ومولاي يبن الطيبين

بضلع الزجية ياعيني ودليلي وروحي

إيناديك قلبي وهتف ...آ ياحبيب الروح
يحسين صوتك طلب...يلبي النداء القلب
آياحبيب الروح
............
يحسين صوتك رفع ...كل نفس حره

كعدية شمس الحقيقة تظل

كعدية شمس الحقيقة تظل

رد: كعدية شمس الحقيقة تظل