مولد الرسول قصيدة

هلا وميت هلا هلهل الشاجور
من اصـــلاب نسلك محتواهه


ماأكتب ارقام اشمرة اعصور
ولا اذكر اشحامل ماسواهه


ياخادم ابن حيدر المنصور
دنيا وأخرة روحك صفاهه


شارع للمجد والجنة والحور
والقصور التي يبهر حلاهه


إلك عند البناها شوگ وسرور
ويباهي بيك ذاك الظلم طه


هل تعلم رأيت ابعين ناظور
الجواهروالزمرج في طواهه


هاك اسمع يحبي المنبر يدور
على اللي رسم دمعه مابچاهه


هايم مفتخر ومنور النور
على كل الجمع ناشر رشاهه


اعطورالعترة شمها الرايح ايزور
اشلون الخادم إلهم من غشاهه


شاهد هو وحده النزل الطور
آنا شفت الجنان وشفت طه


يخدام الحسين بإسندس ازهور
وجوه اشموس ماتچبس ضواهه
...........

اسم حيدرعلي لاينشره وينباع ... اخذ مني النصيحــــــــه لاتخليها
لاحظ لايغشك اسم كلمــن شاع ... هالدنيا الوســـيعة اتمعن اشبيها
أمثالي چثيره وبيها أشگ الگاع ...اتريد اليوم اكشف كل مخـافيها
أول شئ أريدك للنفس تنصــاع ...لو تركنها نفسك خــــاف غاويها
أهل الغدر وأهل الحـقد والطماع ...والجالس ابرجـس الكفر شاريها
ابتعد عن الخيانة والنفاق ابساع ...لا يتغذ لحمــك مـــــن سواجيها
هاي الارض صبخه ومايه لذاع ...اشلــون تريد تزرع شجرتك بيها
هاي ابليس ساكنة وإله مرتاع ...العاگول والغـــــــــردگ امغطيها
اجرام اتشبه الحميض بالطلاع ...أشجار النخل بالجـــــــــنة تلگيها
لا تجعل هواجس عابد الاصنام ...وأفعال الرذيله ايصــــــير تحويها
ذاك الجسرعالمصطفى والاتباع ...وكسر ضلع الزچيه وخان واليها
عاف اعهودها وتريس المشراع ...فاهم للــــــــوصية علي يراعيها
لاترفع السيف وخوفي عالاسلام ...النبي أمن ابو الحسنين حامـيها
أرض دهله أرضنه تبهرالزراع ...وأنهار الجنان إبعطــــــف ترويها
لا تلگه دغل لا شوك لامفراع...شاخص كل نبتها العـــــذب يسگيها
من طه وعلي نور الهدايه شاع...عالعالم فـــــــــــــلا تترك معاليها
نسالكم الدعاء...........
هذه الاشجار تتحمل العطش والحر والسموم ولا تسقى ماء الا في الشتاء

كلمة العاگول ..شجرله شوك ينبت بالصحراء تتغذى منه الابل
الغردگ ..شجرينبت بالصحراء يسمى شجر الغردگ له شوك طول
وثمره يسمى المصيع تتغذى منه الابل
الحميض ...نبته مالحه في الصحراء تتغذى عليها الابل
هذا الشجر يأذي الانسان والحيوان عدى الإبل اي الجمال
الطلاع ..بداية ثمرة النخله يخرج في قلب النخلة و من بعد التلقيح يصبح تمر