ذكرى مولد الامام سيد الشهداء الحسين عليه السلام

بسم الله الرحمن الرحيم
اللهم صل على محمد وال محمد
ذكرى مولد الامام سيد الشهداء الحسين عليه السلام

ياشعلة حق تضوي بكل درب وكل عين,.,يانورالله الأشرق من أشرف نورين
من كنه بطـــور الأرواح ,.,نسمع صرخة عابس صــاح
من الذر نجنينه بحـبك يحسين
* * * * * *
فاحـــت عالكونين إعطورك ** بثلاثه بشعـبان
ومن شــع فوق العالم نورك ** شــع نور الايمان
بالمـــهد الاملاك تزورك ** يا مـهد القرآن
والارواح بنفخـــة صورك ** سجدت للرحــمن
حبك صورة الأعظم من صور اسرفيل *** يلي بهزت مــهدك يتفاخر جبريل
وساعـــــــــــة نور اجبينك لاح ** نسمع صرخـة عابس صاح
من الذر انجنينه بحـبك يحسين
******
بحـرك سورة حق ويايــه ,,,,,للعالم مــــنهاج
ومهدك عـرش العز وغايه ,,,,, وحبك للـــعز تاج
وإسراءك مـن يثرب آيه,,,,بالطف المــعراج
وحبك بقلـوب الوفايه ,,,,, بيهايضوي ســــراج
يالشعلة حـــق تضوي دروب الحرار,.,بالاصلاب تطوعنه لحــبك انصار
ومن البسنه الحـــــــب وشاح,.,نسمع صرخــــة عابس صاح
من الذرانجنينه بحـــــبك يحسين
* * * * * *
كلــها بميلادك تتشارك ,,,, بإسمـك فـرحانين
حتى الامــلاك وتتبارك ,,,, ويه الحــور العين
للمـــحشر نتبع آثارك,,,,, إي والله يحـسين
كل الشيعـه اليوم انصارك,,,, مــــوبس السبعين
لو منطوف بصحنك واحـنه بغربه بعاد,.,رسمك بقلوب احبابك يابوالسجــاد
وبكل ليله وكل مـــصباح,.,نسمع صرخة عابس صـاح
من الذرانجنينه بحـــــبك يحسين
* * * * *
بس حبك ظل ثابت بينه ..... وحــب غيرك أوهام
لا لا مــا تنعد اسنينه ..... وحـب غيرك أيام
وجسور بحــبك مدينه .... من الطـف للشام
بي يحسين إحنــه تقوينه ..... وحاربه الظــلام
حبك سيف ويرهــب كل ظالم ولله ,.,نهز الافلاك بصرخـة ياحسيناه
وحـــبك من صفناه سلاح ,.,نسمع صرخـــة عابس صاح
من الذرانجنينه بحبك يحــسين
* * * * * *
ضوينـــه بميلادك شمعه ،،،،، للحـــق صارت نور
وذكرك مــوبس آه الدمعه ،،،،، موبس لطم صــدور
حبك للــعز وللرفعه ،،،،، قانـــون ودستور
وإسمــك للحق اصبح قلعه ،،،، ولــكل ثائر ســور
إسمـك توراة أصبح وإنجيل وقرآن,.,بحروفه إنهدمت كل إعروش الطغيان
وكلمــه تهدم عرش وطاح ,., نسمع صرخــة عابس صاح
من الذرانجنينه بحبك يحسين

* * * * * *
الحاء إبإسمــــك حريه ,,,, ولـكل بائس قــــوت
والسين سيوف الــــــثوريه ,,,, بحــــــده الظلم يموت
والياء اليــــــد القدسيه ,,,,, المتصافـح طاغوت
والنون الـنورالشع ضيه ,,,,,من نور الــلا هوت
بحروفك إسمك يبقى يردد هذا الصــوت ,.,ما نترك حبك يحسين لحـد الموت
بكل قطره من الدم الساح ,.,نسمع صرخــــــــة عابس صاح
من الذر انجنينه بحبك يحسين
* * *
تحياتي

بسم الله الرحمن الرحيم

اللهم صل على محمد وال محمد

ــــــــــــــــــ

كلكم أتسمعون..عاشق ومفتون

وآني للعباس..والله بي مجنون

ـــــــــــ

قمرهاشم شعْ ضياءَ. والمدينة منوره

يلا ياشيعة محمد. يلا هنوا حيدره

وهنواإمه إم البنين.العفيفه الطاهره

إنثروا وردالبنفسج هاي ليله مزهره

إبمولدالنبراس .. خل تهيم الناس

الحبه ماينقاس..وأللا بي مجنون

ــــــــــــــــ

أنثرووردالبنفسـج.وعلگـواإشمـوع الفَــرح

وخلواالگلوب أتسامرداوا گلبي الأنْجَـرح

داعش أيامه گصيره.وين ذاك اللي النمدح

الحشــد بركانه ثاير. ونورَعالعالم قدح

يلاسمعوا الناس..الحشد رفعة راس

وأرضه ماتنداس..وأللا بي مجنون

ـــــــــــــــــــــــ

الحشد للنصرجابه .وصوته يصرخ ياحسين

اليوم فرحتنه جبيره. وحــق رب العالمين
وصوره للعباس راسم.على الراية والجبين
وحررأرضك ياعراق.وغاض كل الحاقدين
أبعد الأرجاس.عن أرض عباس
وصاربالآنفاس. واللا بي مجنون
ــــــــــــــــــ
أبعد الأرجاس حشدك. ياعلي السيستاني

عن أرض نينوى الحره. وزال كل أحزاني

ورسم صـوره للشجاعه. إوجابه العـادني

ونكتب أســـــمه وتخلد وأللا في وجداني

ياهلاومية هلا.اليوم دجله مدلل

هذا راعي المرجله.واللا بي مجنون

ــــــــــــــــــ

أنثروا وردالبنفســج .لأبن مـولاكــم علي
وأطلبو الحاجات منه. خلي همكم ينجلي
ونادوابأصـوات الولاء. ياعلي إنته الولي
واليبغضك ياعلينه.فـي جهنم ينصـلي
گالها المختار..سيف عالأشرار
عن علي الكرار.وأللا بي مجنون
ـــــــــــــــــــ

نسالكم الدعا

بسم الله الرحمن الرحيم
اللهم صل على محمد وال محمد
@@@
أنسرت الأطهار بأبن الطاهره...القمرعباس سبع القنطره
وحق أسماء الصمد...أنولد هالليله الأسد
القمرعباس سبع القنطره
@@@
هاك أنثر ورد ياضي العيون..الليله هل أهلال حماي الظعون
وهني أبوالايتام والقلب الحنون ..شعشعت دنيانه وأرتاد السعد
وحق أسماء الصمد ..أنولد هالليله الاسد
القمرعباس سبع القنطره
@@@
شعشعت أرض المدينة أبنوره...أو نفس زينب بالأخو مسروره
هبوا ياشيعه إنتعنه أنزوره...أو نرسم ألـــواح المحبه و العهد
وحق أسماء الصمد ..أنولد هالليله الاسد
القمرعباس سبع القنطره
@@@
أرسم ألواح العشق دمعك عهد...للرسول أو حيدره والــبالمهد
أوفوز برضاهم ولا تذخر جهد...وأخذ منهجهم وسير ولا تصد
وحق أسماء الصمد ..أنولد هالليله الاسد
القمرعباس سبع القنطره
@@@

هاك أرسم للوفه صورة خيال..واللاخوه غوص بأفكارالوصال
أتشاهـد العــباس ما مثله مثال ...وما توصفه اقلام والخالق أبد
وحق أسماء الصمد ..أنولد هالليله الاسد
القمرعباس سبع القنطره
@@@
هاك منبع جودها ولا تنحرم ...من شبل حيدرأخذ نبع الكرم
باب لمهموم واللي منهضم ...ماترد خايب وحق واحد أحد
وحق أسماء الصمد ..أنولد هالليله الاسد
القمرعباس سبع القنطره
@@@
وحق رب الحرم مثله مايصير ...صاغ لأهل الوفه عنوان المصير
ابوفاضل والنعم هو الضمير ...وهو حق الحق وحق رب الصمد
وحق أسماء الصمد ..أنولد هالليله الاسد
القمرعباس سبع القنطره
@@@
نسالكم الدعاء

ذكرى مولد الامام سيد الشهداء الحسين عليه السلام

ذكرى مولد الامام سيد الشهداء الحسين عليه السلام

رد: ذكرى مولد الامام سيد الشهداء الحسين عليه السلام

رد: ذكرى مولد الامام سيد الشهداء الحسين عليه السلام