كلام جميل مغامرات الليل ..

اصفن عل العمر خلصته بس هموم

وباوع عل الزمن شلون جازاني
اثاري بها الوكت ماينفع الطيب
والطيب يظل كل عمره وحداني
واليمشي عدل عل لنيه ويا ألناس
يظل طول العمر مجروح ويعاني

سؤال ..

تغيب الروح بغيابك واردها

كتاب جفاك من عندك وردها

روحي بفركتك يذبل وردها

شمس انت وتنور الدرب ليه

ـــــــــــــــــ

جواب ..وليد الساعه ..

حســرات الگلب منك ..وأردها

وعيني الصورتك تشرد.. وأردها

الواشي جاب الي حسبه ..وأردها

منك يالگلت عشگك أليه

تحياتي القلبية لشخصكم الكريم

سؤال ..؟

زماني شال مني ضحك ون حط

وبقيت اسحل بروحي ونحط

مامرتاح كون انشال وانحط *

بكبر واسمع بجي الوادم عليه

ــــــــــــــــــوليد الساعه

جواب

ــــــــــــــــ وليد الساعه ..

سلى النمام من الفـــرح ..ون حط

وخلاني أجـــر حسبات .. ون حط

ياريت الـــــزمان أيعود.. ون حط

بعين اللي غدرني وخان بيه

ـــــــــــــــــــــــــــــ

تحياتي وتقديري لشخصكم الكريم

أريد أبجي أعلى حالي وماأنام الليل
وكعد للصبح مثل ألفكد أمه
وأشكي الحال لله بعمري مامرتاح
وأشوف الدنيه بعيوني اصبحت ظلمه
أكابر ويه ربعي وكلبي يلهب نار
وضحك جذب كوه وتطلع ألبسمه
كالو تفرج واني أندعي كل يوم
يمته ألفرج يوصل يمي وشتمه
عشت هذا ألعمر بالحسره بس أهموم
منو ألمثلي يعاني وغارك بهمه
كافي ألصبر ياربي وأريد أنخاك
جم دوب أشتكيلك ياأبو ألرحمه
أشوف اني ألشباب أهواي مرتاحين
من دون الخلك ماحققت حلمه
مابيه بعد أتحمل أللوعات
حته ألأهل ملوني وصرت نقمه
أني اخجل يربي وشتكي للناس
وهاي ألخلك للمظلوم متفهمه
وحقي أعليك ربي وبيدك ألأكوان
وألمسكين منهو ألغيرك أيرحمه

اكلك مشتهيك وموت متمنيك
اسكت لا تسولف كلشي لتكلي
تره صاير جهنم جمر بيه الشوك
راح احرك الدنيه وكلشي ما خلي
ياظالم دخيلك بيه كاطع ليش
مرمرني الصبر ما كول متحلي
موتدري بمعزتك وانته ساكن وين
هجرك ماله داعي وقصرت يلي
حبيتك وغيرك ماتريد الروح
وشما خيرتها تكول خيولي
الي يحب الكمر ميكلب النجمات
مادام الكمر ماطاح مـتـعـلي
وانته هذا حالك من هذاك اليوم
واليومك حبيبي وسيدي وخلي
عله بختك وحكك مانحمل أفراك
شوك لشوف وجهك مشتعل كلي

تعال وخل احضنك حيل يا حيل
وخل جمرة حنينك هسة تجويني
واريد اصفن عليك واكطع الانفاس
واسمع صوت كلبك من يناديني
واضل كاعد اكبالك واكتم الصوت
وافهم لغة عينك من تحاجيني
وابوسك من جبينك وادعي
من الله طولة العمر كون اوياك ينطيني

ادوخن من أظل وحدي بلاياك
مصايب كلبي ماتنحل   بلاياك
شلي بدنياي ياروحي    بلاياك
الموت أهون ولاغيابك عليه

ــــــــــــ

على شنو التكبر وانت كوم تراب
لا معدن ذهب لا معدنك ياقوت
عيش شما عشت ترجع ترى للكاع
ترد الها ويرد يتمضحك الزاتوت
لا تخزر بعينك من تصد للناس
خل عيونك يظلن بنات بيوت
البشر بس ينكطع نفسه بيوم
صار ارخص ثمن من خشبة التابوت

يكلولك عليمن انت ليش تضوج ؟
شنو بالدنيا يسوى حتى تتحسر ..
ما ضايج ابد ع الدنيا لا والله ...
بس حسرة البكلبي شلون تتفسر
تشيل ارؤع كلب تنطي لاعز انسان
بيده يكسره ويكلك تره تكسر !!
مو حقك اذا متنام طول الليل ،
ومو حقك اذا حد الصبح تسهر
اذا ع الكسر سهله نسوي تجبير
وجذب كسر القلب ماظنه يتجبر
*******************

محتاجك حلم يحضني طول الليل
ومحتاجك حقيقة وياك أكضيها
ومحتاجك عمر فاركني صار سنين
ومحتاجك حياة بعمري اشريها
دخيلك روحي ترجف ضمني ليك بساع
وبلمسة حنانك روحي دفيها
مااحمل غيابك بية نار تصير
واهات الليالي الماتحس بيها
احلفنك يغالي بكل كلام الشوك
لترخص عيوني وﻻتبجيها
مجنونك صرت والعقل هايم بيك
وعطشانة المشاعر وانتة ترويها

هنيالك علية شكد افكر بيك
وهنيالك علية شكثر حبيتك
وهنيالك يغالي ويالسكنت الروح
وهنيالك لأن صار القلب بيتك
حبيتك محبة تساوي كل الكون
وبوسط الجسد والروح خليتك
اخاف اني احسدك من جمال البيك
وعن عيون قلبي هواي ضميتك
💜هنيالك💙💛 هنيالك

اذا جنحك شمع والشمس تتنخاك
موفشله لون ابابها اطيح
واذا كلك خشب وتصيحك النار
شحلاة الدم لون علموقف يسيح
العيد يجي بفرحة يوزع الناس
ونه حصتي التعب مثل المراجيح
من اصابعها يسيل الخير جروان
وتال البوه حصتها المراويح
ملح بعيونهن لا تغفه وتنام
لچن من تحترگ تغفه المصابيح
وعلى الماي العذب ماهادت بيوم
لچن حضن الوصل عيد التماسيح

💚

مو عن ضعف تدرون من ترخي الحبال

جود وكرم بالروح وتسامح انذال . ..

خلك شايب

جواب

أشمالك بالحال غيرها وأرتاح ..

واهل المثل قالوراح الوفه راح

ابومهند

ــــــــــــــــــــ

سؤال ..

شايل حمل ست نوگ وامشي #بجزيره

كل گصدي أدور ناس ضل بيها #غيره

خلك شايب

جواب ...

لا تعتب اعله المات مايسمع الصوت

وفصل زمانك هـــــاذ للغيرة تابوت

ابومهند

‏يمتـه ترجــع؟
مو نشف ريج السوالف
والعشگ بردت جمرتــه
يمتـه ترجــع؟
مو دليلي اخلاف وجهك
بالسهر ورث حسرتـــه ..!!
باكو ضحكتي
ـــــــــــــــــــ

بدليلي تل حزن تل قهر تل ضام

هذني مكشفات وبعد تل ضام

الابره من زعلهم صفت تلضم

لوحدها وتروف جروح بيه........

ـــــــــــــــــ

شعدك يا حزن من عندي ما مليت

مو اقرب بشر من عندي ملّوني

ليش انته الوحيد اللي وفيت وياي

واللي حسبتّهم عون..خانوني

من دون الدروب دروبي بس وداع

خلصت العمر ابجي اليودعوني

وحيد وحتى ظلّي اليوم هجّ وراح

بقيت بليه ظلّ ومن يسألوني

اكلهم اني عفته ودرت عنه العين

وبيني وبين نفسي اتوسل عيوني

اخاف تصب دمعها وتفضح الاسرار

واني بوسط شمّاتي ويشوفوني

اطحر ابدين العام دين السنه اطلوگ

مثل ام نغل لوجيت يتنادس السوگ

مشير السعيدي

اطحر ابدين سنين ومصلخ صلوخ

گمت من اطب للسوگ تطردني الفروخ !...

عارف مامون

دين السنه مكدور بيه تكدر تنام

بس كلي عل ماساد دين اول العام

ابو سجاد الدريعي

من عمري عشرأسنين ويالدين ألولي..

وللقــــبر يبن الناس الديانه أجولي..

ابومهند

اريد اكتب حزن خاف اوجع الناس

واخاف الناس تعرف هذا حالي

باعوني بسعر من رخص التراب

وانا الضحيت لجله بكلشي غالي

روح براحتك بس بالك تعود

ماريدك تمر حتى بخيالي 💔

ـــــــــــــ

من يومك تغشـــــم الروح ياحيف

وآني علقت روحي بطرف الذيال

ومشيت ادروب وحشه وحشة الليل

لجل عينك وحملت الحال عالحال

وقلت الله كــــريم الصبر ماغاب

يابذات بعـــــــــــت المحب بالمال

كون تشوف:
بإشفافي الحزن ماخله بسمه تعيش
وكلمن كمت أبوسه بخده أطبع أوف
كون تشوف :
خلصت الوجوه وشفت كل الناس
كلهه وجوه غربه ولا وجه معروف
كون تشوف :
اعيوني مضيف شدت ألك وكت النوم
بالكت بالحلم لنك تجينها ضيوف
كون تشوف ..::
يسامع لا تلوم الروح مو بيدي
أخذني الوكت مني والهموم إطوف
كون تشوف ..:
هم هجرك وهم البين والآلام
غمسن بالگلب موسيف چل إسيوف
كون تشوف..
لاتعتب عتابك ماتسمعه الروح
وياريت أعله گبري تجر

چلمة اووف ..:
ـــــــــ

جواب ..

أضل الليل أحسب والحساب إيطول
وعاتب گلبي وحدي وسكب العبره
ورجع أيام عمري والهمـــوم أتگول
مامليت كافـــي وناري مســــتعره
أشوف العذباها الروح عندي إيجول
ولا مهتم إلي ومايعـــرف الحسره
أترك ياقلــب اترك بعـــــــد متنول
شـــيبك ترس راسك وأنت تنتظره

ـــــــــــــــــــــــــــ

راح اصبر بدونك وارهم بلياك
واذبح رمش عيني الجان يبجيلك
واتحمل عذابك والبعد والشوك
وما احط صورتك كدامي واشكيلك
مااكلك نسيتك بس جرح بالروح
يكسر واهسي وما يقبل امشيلك
عيني الشالتك كلتلها اشيلك راح
كالت شيلني وماقبلت تشيلك
ـــــــــــــــــــــ
ليش أشطلع مني وشفت يهواي
الواشي وشه بإذنك يابعد عيني
ياسلوة حياتي وجنتي و سلواي
ماخطيت خطوة خوفي تجفيني
أظل أنطرودادك لاتوجع اجلاي
وبيدك صــارقلـــبي لا تأذيني
سولفلي اشوشاك الواشي يارجواي
وحرام اعليك تالي العمرتنسيني
ـــــــــــــــ

سؤال

الدنيا حلوه وناسنه ادور خراب ..الغيبه مبدأ واليخاف ألُه انقرض

جواب

موعجيبه چلمتك ماجت صواب ..ومن زمن آدم ابوالغيبه انفرض

ــــــــــــــ

محتاجك حلم يحضني طول الليل
ومحتاجك حقيقة وياك أكضيها
ومحتاجك عمر فاركني صار سنين
ومحتاجك حياة بعمري اشريها
دخيلك روحي ترجف ضمني ليك بساع
وبلمسة حنانك روحي دفيها
مااحمل غيابك بية نار تصير
واهات الليالي الماتحس بيها
احلفنك يغالي بكل كلام الشوك
لترخص عيوني وﻻتبجيها
مجنونك صرت والعقل هايم بيك
وعطشانة المشاعر وانتة ترويها
ـــــــــــــــــ
أموت من التمنه والحلم والحيف
ياقصة آلــــــم شعرچ يمغطيها
أنهضي بسرحياتچ وَكسرِالمألوف
يانجمــــة جدينا الـــــروح دليها
ألمن تهوى نفسچ أكشفي المستور
وأردفي بالحقيقه وأنظري البيها
لوأبيض وصافي ما تحجبه إغيوم
ولوأسود
ظلامه اعرف تواليها
لتلوم السنين المضت يامعشوق
أقتحم نارك بهمه وبيدك اطفيها
روحك ماسعة حتى نجافيها
وحلمك نار تلهب من يطفيها
يانجمة فجرتنزل توالي الليل
وتأفل بالنهارالضوه يغطيها

آنا الهايم بحرالشوق والايام
طوت ونت دليلي

سؤال.

تحن والليل يتغنه بحزن ونك
وتفز مرعوب ودموعك يغرگنك
المصيبه الحسبه ماتنگظي بجرة اخ
والبگلبك بقن بس اليغثنك
ــــــــــــــــــــــــــ جواب
حرام الليل هاظم وردة الجنه
ويغيب القمرعنها البيه تتغنه
ياوسفه وحسافه إتغوص بالآلم
وغاشيها الظلام أشلون تتهنه

@الحاج ابومهندالسلامي:قصيدة كامله...تابع
شعندك يا دمع من عندي ما مليت
ولك اقرب بشرالمن عندي ملّوني
ليش انته الوحيداللي وفيت وياي
واللي وآني أحسبتهم عون خانوني..
@الحاج ابومهندالسلامي:اكلهم اني عفته ودرت عن العين.
وبيني وبين نفسي اتوسل أعيوني.
اخاف تصب دمعها وتفضح الاسرار.
وانا أبوسط الشماته لا يشوفوني

@الحاج ابومهندالسلامي:من دون البشر أدروبي بس وداع.
خلصت العمر ابجي اليودعوني
وحيدوحتى صبري اليوم هجّ.وراح
وبڳه بس الدمع للي يسألوني

شعندك يا دمع من عندي ما مليت
ولك اقرب بشرالمن عندي ملّوني
ليش انته الوحيداللي وفيت وياي
واللي آني أحسبتهم عون خانوني..
أڳلهم اني عفته ودرت عن العين.
وبيني وبين نفسي اتوسل أعيوني.
اخاف تصب دمعها وتفضح الاسرار.
وانا أبوسط الشماته لا يشوفوني
من دون البشر أدروبي بس وداع.
خلصت العمر ابڇي اليودعوني
وحيدوحتى صبري اليوم هجّ.وراح
وبڳه بس الدمع للي يسألوني

كلام جميل مغامرات الليل ..

كلام جميل مغامرات الليل ..

رد: كلام جميل مغامرات الليل ..

رد: كلام جميل مغامرات الليل ..

رد: كلام جميل مغامرات الليل ..

رد: كلام جميل مغامرات الليل ..

رد: كلام جميل مغامرات الليل ..

رد: كلام جميل مغامرات الليل ..

رد: كلام جميل مغامرات الليل ..

رد: كلام جميل مغامرات الليل ..

رد: كلام جميل مغامرات الليل ..

رد: كلام جميل مغامرات الليل ..

رد: كلام جميل مغامرات الليل ..

رد: كلام جميل مغامرات الليل ..

رد: كلام جميل مغامرات الليل ..

رد: كلام جميل مغامرات الليل ..

رد: كلام جميل مغامرات الليل ..

رد: كلام جميل مغامرات الليل ..

رد: كلام جميل مغامرات الليل ..