هلال شهر محرم..گعديه

بسم الله الرحمن الرحيم
اللهم صل على محمد وال محمد
,
هلال شهر محرم
الألم
گعديه

,,
دم دمع عيني إنحدر ... ريته ماهل الشهر
,
إتذكرت هيبت الوالي ... إتذكرت ظيم الليالي
,
ريته ما هل الشهر
,,,
جروحي هاجت يبواليمه لا هله إبشهر المصاب
إذكرت عـــــزي ودلالي إذكـــــــرت ذيچ الإحباب
وإعتبت عالكفل ظـــعني ورد لي بچفوفه العتاب
درت عيني لعلي حــــــــيدر بلحظه لن رد الجواب

الصبر يابويه الصبر... الصبر يابويه الصبر
حايره إبحسرة الوالي ...إتذكرت ظيم الليالي
ريته ما هل الشهر
,,,,,,,
ياخلگ آنه العقيله بت علــــــي فحل الفحول
چان أبويه يعلي گدري الفاضله بصوته يگول
إمدلله مابين إخوتي ونور عــــيني إبن البتول
منين إجتني كربله بين غربه ياخلگ لني أجول

من عگب ذاك الفخر ... من عگب ذاك الفخر
گبل ما شافوا خيالي ... إتذكرت ظيم الليالي
ريته ما هل الشهر
,,,,,,
ياخلگ بإخوتي الدار تزهي بالعـــز والكرم
تگصد الوفاد ليها نور قرآن التفسر كل علم
عگب ابو اليمه الحسين وحشه والحيل إنهدم
وإذكرت إشبول هاشم وهاج بحـــــشاي الألم

دارإبن ســــــــيد البشر ... دار إبن ســـيد البشر
وإنحبت من شفته خالي ... إتذكرت ظيم الليالي
ريته ما هل الشهر
,,,,
الأكبر اليشبه الهادي بالأخلاق وبالصفه
برز لميدان وحده بكل شجاعه وكل وفه
وبرز ليه بكربن غانم علي الأكبر أردفه
وصار بين الگوم الأكبر والسيوف تخاذفه

الجسد متوذر وذر ...الجسد متوذر وذر
ياعلي صحنه يغالي ...إتذكرت ظيم الليالي
ريته ما هل الشهر
,,,,
يامصاب اللي أذكــــره وآنه مكسوره الضلع
الصبر دم سال دمعـــــــــه وآنه گلبي منصدع
وجاسم العريس شيفته بدمه يسبح منصرع
ورمله من صاحت إبحرگه أبد ماطفي الشمع

يالحسن گلبي إنفطر ...يالحسن گلبي إنفطر
إتذكرت ظيم الجرالي ...اتذكرت ظيم الليالي
ريته ما هل الشهر
,,,,
ياخلگ الگلي گومي وجابني من الوطن
أسد هاشم ابوفاضل يباري بعيونه الظعن
ولشريعه من گصدها الماي جابه بلاوهن
ورد رجع لماي ثاني ومارحــــم بيه الزمن

وسفه طاح إعالنهر ...وسفه طاح إعالنهر
وطيحته عذبت حالي ... واذكرت ظيم الليالي
ريته ما هل الشهر
,,,,

ونسالكم الدعاء
__________________