|
|
|
يامولاي ياباالحسن استشهاد الامام علي عليه السلام
صفحة 1 من اصل 1 • شاطر
يامولاي ياباالحسن استشهاد الامام علي عليه السلام
من طرف ابومهندالسلامي النجفي السبت يونيو 17, 2017 1:06 am
بسم الله الرحمن الرحيم
اللهم صل على محمد وال محمد
ــــــــــــــ
يامولاي يابا الحسن.
يانجواي ياباالحسن..
@@@
هاي دارك چانت إبروح الرسـول
لو يمــرها يوگــف ولازم يگـــول
الســـــلامُ على العــــتره والبـتول
آل البيت النبي علـــم إكل سنن
يامولاي يابا الحسن.
@@@
هاي دار العلم وتنــور العقول
بالفقه والمعرفة وعلم الإصول
لونظرهاالمصطفى ظلمه أشيگول
من بعــــــد عينك تـولتها الفتن
مولاي يابا الحسن
@@@
من بعـــــــد عينك يحماي الحمه
الضيف لومرها ونظرها مظلمه
إشلون ترضه وأنت راعي الغانمه
ياعلي تترك إضيوفك ما نظن
يامولاي يابا الحسن
@@@
اليوم أســرافيل حــزنان وعليل
وتسمع الأملاك تنحب والعويل
راح راعي الجود حماي الدخيل
والأيتام إدموعها تنزل مزن
يامولاي يابا الحسن
@@@
الليلة جبرائيل دم عينه تســــــــيل
وصوته عندالمصطفى يعزي الخليل
بالعضيد المــــرتضى حـب الجليل
أسد خيبر أنت يحوك الچفن
يا مولاي يابا الحسن...
@@@
الليلة هــــالأملاك نصبت مأتمــك
وانت راعي الحــوض من يتقدمك
بالســماء ياعلي الخالق أكــرمك
أنت للشــيعة شــفيع إبلا وهن
يا مولاي يابا الحسن
@@@
هذي أيتامك تحشــــــــــم يالوصي
گوم إسمع صوتها وصوت الوحي
والفــــــواطم تلطم أبنـــوح وبچي
وزينب الحــــــــره دمعها كالمزن
يا مولاي يابا الحسن.....
@@@
الليله تلهب نارها وسـط الحشه
وشيعتك للدار تنظر مــــوحـشه
لايبو الحســـــــنين تتركنه حشه
وإنت للملوف توگــف بالمحن
يامولاي يابا الحسن...
@@@
أنت صولاتك عـــــرفها كل شجاع
ما تهاب الموت يمريض الســـباع
إشلون إبن ملجم رفع سيف الخناع
وضرب راسك وأنت ساجد مرتهن
يامولاي ياباالحسن...
@@@
ياعلي آلام جــرحك ما تطيب
يا حبيب الروح يااغلى حبيب
ياحسافه وحيف شح بيك النصيب
ياعلي نبچـــــيك لـــوطال الزمن
مولاي ياباالحسن...
@@@
نسالكم الدعاء
ابومهندالسلامي النجفي- انت رائع
مواضيع مماثلة» حكم الامام علي عليه السلام
» من حكم الامام علي عليه السلام
» قال الامام الكاظم عليه السلام
» عن الامام علي عليه السلام البلاء
» روائع حكم الامام علي عليه السلام
» من حكم الامام علي عليه السلام
» قال الامام الكاظم عليه السلام
» عن الامام علي عليه السلام البلاء
» روائع حكم الامام علي عليه السلام
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى