دارميات وابوذيات ..مساجله

الحاج ابومهند ..

دارمي ..
ليــش الألــم بالــروح مايگبل إيروح
أسئل وأريد أجواب من المثلي مجروح
ـــــــــــ
نسألكم الدعاء...
للخوه ذب أرشاك وتعب عليها ..
وللدهرخويه إعلوم چايد حچيها..

أبوذيه ..

إشما تبعد يخويه ذاك بعداك
لأنك بالگلب شـــريان بعداك
أشلون أتريد مني اشوف بعداك
وروحك ويروحي هاي هيه...

ــــــــــــــــــــــــ

رد الجواب الحاج ابوتركي البدري

ــــــــــــــــــ

روح يبعد الروح تشعر بالالام
ذب حملك اعله اعضاك واتركه ونام
------
للخوه امد احبال روحي واشدهن
علوم الدهر سهلات متعود الهن
------
بالعبد بعد القلوب موش باميال
ولا تحزان لكون الدهر باميال
باري اليال الك يالاخو باميال
سفينة نوح انه انتجي عليه

ـــــــــــــــــــ

دارمي هديتي للحاج ابوتركي البدري الغالي ..
ــــــــــــ
وأله وثلث تنعام منك يبدري ..
گول وفعل مشهودإلكم يذخري..
أبوذيه .....
صحيح الگال للكلفات لتهم
وعندك أخو يشدالحيل لتهم
يبوتركي وحگ عيناك لتهم
حيدرعزوتي وروح الزچيه
ــــــــــــــ
حبيبي الحاج ابوتركي ربي يحفظك بحق الزهراء عليها افضل الصلاة والسلام

دارمي ..

عد وحسب ولتهم يالغالي عيناك ...صدقني يبن الناس للموت آني أوياك

ــــــــــ

دارمي

...أضحك وخلها العين تجريها دمعات...وماعلم الشمات كل قلبي حسرات ...

.تحياتي القلبية

دارميات

ـــ

سؤال

بهيمه ودرب مكطوع ومحاوط ضباع....كل هذه ماهمنيش همني الوفه الضاع

رعد الزيادي

ـــــــــــــــــ

الجواب

الحاج ابومهند

يالتسئل إعالضاع وهمك تشوفه ..الوفه ويالعباس قطعوا چفوفه

ابوذية

ـــــــــ

ايقول بشارالطائي

ابصر بلكلام وشوف ماعان
احس بجلاي والله عليك ماعان
تجيك الروح بس الكلب ماعان
ويكلي شلون هوه الخان بيا
ب..ق ....بشار الطائي

ــــــــــــــــــــــــ

رد ..جواب

الحاج ابومهند

بصرت الحچيك وحچيك ترى بعيد ..
أظــــن وصفك تخطاني ترى بيعد..
شگل لك گلبك وگلـــبي ترى بعيد ..
غريبه شإسمـــعت منك عليه
ـــــــــــــ

ايقول

الحاج ابومهند

أردأنخه راعي الجود والنخوه والطيب
يا علــــتي البالــروح لحـگتني للشيب

ـــــــــــــــــــــــــــــــــ

يقول

الحاج ابوتركي البدري

اوصل لحينه وزود عدنه الها تطبيب
اهل الكطيعه كروم طب للمعاطيب
------

يقول

الحاج ابومهند

والنعم باللي گال عـــدنه ألها تطبيب

يالبدري علتي هاي لحمه بحلگ ذيب

ــــــــــــــ

يقول

أبشر ابومهند

الحاج ابوتركي البدري
إبشر بحلها وطول يبن السلامات
حل المخلبص هيج هاي النه عادات

ــــــــــــــــ

يقول

الحاج ابومهند

راية شهامه وطيب حملتها الإبدور

ومعروفه بالكلفات تفتحلك اصدور
------

ايقول

الحاج ابوتركي البدري
حمل الكلف تنساه من تنخه بدري
جلمه شرف مو هوت بيها الله يدري

ـــــــــــــــــ

ايقول

الحاج ابومهند

حيا الله بالطيبين حيا الله حيهم

گول وفعل البدوروفازالنصلهم
-----
ايقول
الحاج ابوتركي البدري
اليم البشر نكضيه اليم الله يمه
الما تنكضي بالمال يم ابو اليمه
ـــــــــــــــ
ايقول
الحاج ابومهند

إبن السلامي يگول سم همي بالدين
ونخيت ابوالكلفات الــوافا للحسـين
ــــــــــــــــــ
ايقول
الحاج ابومهند
ماظل بعد بالروح شامت دفنها
وبالحدجدمه يدوس ولوث چفنها
ــــــــــــــ
نسالكم الدعاء

بالروح اشم عطاب من تطري الحسين
بكل عــرج منها تصير اربع سجاجين
ابوتركي
ـــــــــــــــــ
ابومهند
عاشق وعشق أشموس العالي سمـوهم
البضعه وسبطها النور وجدهم وأبوهم

دارمي

ظلمه وجرح بالروح ودلالي مصيوب
وأتعــثرإبممشــــاي ومتيه الإدروب

الحاج ابومهند

ـــــــــــــــــــــــــــ

جواب

علي كاظم

يسلملي هل الدلال وتسلملي هالروح..

مابيك غير الخير شلك بالجروح....

ــــــــــــــــ

جواب الحاج ابوتركي البدري

شدحيلك بممشاك واقصدهم بهاي
تمشي العباس وتكله مولاي

دارميات وابوذيات ..مساجله

دارميات وابوذيات ..مساجله

رد: دارميات وابوذيات ..مساجله

رد: دارميات وابوذيات ..مساجله

رد: دارميات وابوذيات ..مساجله

رد: دارميات وابوذيات ..مساجله

رد: دارميات وابوذيات ..مساجله

رد: دارميات وابوذيات ..مساجله