القصيدة لمسلم ابن عقيل عليه السلام ثقيل

بسم الله الرحمن الرحيم
اللهم صل على محمد وال محمد
حمـيدة مسلم اتنادي ,,,, اذكرو الي عليٌ سادي
يشيـــعه ذايب افؤادي ,,, يتيمه والحــزن زادي
اذكرو الي عليٌ سادي
,,,,,,,,,,,
انشعب گلبي وكـثر وني ابويه من رحل عـني
سلاني الهجروأرهگني يشيعة من صغر سني
الليل اليمر يــرعبني ولا يطبگ جفــن مني
أضل اتنطر يضمني اعله صدره وثغره يرشفني
اشلون اصبرعلى فرگاه يريت الموت ياخـــذني
يتيمه والحزن زادي اذكرو الي علي ســــادي
,,,,,,,,
أذكرلو لفه الوالي أحس من روحــهه ينطيني
اماني ابدنيتي أرسم لوحة فرحـــه ابسـنيني
اغمض اعيوني عالسلوه ومن نفســـه تراعيني
يغطيني ابحنان وشوگ أناغـــــيه و يناغيني
يشيعه من غيابه طال زاد النـــــوح و اونيني
يتيمه والحزن زادي اذكر والي علي ســــادي

,,,,
اساير ليلي أتأمل الفــــــــرحه تبعد اهمومي
اعاتب امي بآلامي ودمعـــــــها بلل اهدومي
تصبرني واهي مثلي كســــــرها البين وتحومي
تسأل والدمع همال يغالــــــــي ماردت يومي
بعدك ياعزيز الروح يبوطاهــــــر عفت نومي
يتيمه والحزن زادي اذكر والي علي ســـادي
,,,,,,
ارد أتكلم إلي صارتاريخ الجره من اسنين
النفاق امجذر اوياهم وجهلهم بيه مغمورين
الحقد موروث ماينزال ولا يتعده الاشـرايين
الغدر بإدماهم إيفجرنبع من دم الشـــياطين
حاضر بين اظهرهم الرسول وهمه مستعرين
يشيعه ذايب افؤادي اذكر والي علي سادي
,,,,,,
ماحشموا رسول الله على الاعقاب مرتدين
دارالحق تشب النار بيها وهظموا الطيبين
ضلع الطاهره الحره انكسروهتزت الكونين
سيد الرسل نور العين مسجه وشاهد الجافين
الصبر إلكم يهل بيتي ينادي ويهل دمع العين
يشيعه ذايب افؤادي اذكر والي علي سادي

,,,,
كتب الغدروالفجارانكرت من حــــكم صفين
ذاك الصعد للتحكيم وأخلع ســــــيد الطيبين
الخداع يجول بأنفسهم من الاجداد مكتســــبين
عرگ الجــــــاهلية يفور مـاينشال بالجنبين
آكلت الاكـــــــباد إمهم وأبوهم سيد الباغين
يشيعه ذايب افؤادي اذكروالي علي سادي
,,,,,
سيف الصـــال عالكفار يحز بعروگهم للحين
ماتركوا بدر وحنين ولاخـــــــــيبر ولا صفين
يطلبون الذي حطم اصــــــنام الكفـــر بالسيفين
أرباب الكفر ارجاس اساس عالغـــــدر ماشين
هذا الي جرة والصارلاعـــــــدهم عـــهد لادين
يشيعه ذايب افؤادي اذكر والي علي سادي
,,,,
ياشيعة علي الكرارأول سهم صـــــــاب العين
مسلم خانته الاشرارحايرما بگــــــــــاله معين
ضل وحده غريب الدارشال الحـــمل عالكفين
كف يواجه الاخطاروكف يرد خــــبر لحسين
مايتعنه للكوفه انگلبت هـــــــالجمع صوبين
يشيعه ذايب افؤادي اذكر والي علي سادي
,,,,
يشيعه الدهر خــلاني ألوجا وحدي باحــزاني
حسافه اندارت الايام أخــذ مني إل يرعـــاني
زيغيرت سن تولاني وحـگ إل مــــا أله ثاني
يسهم الصابني ارماني شلني وزادت اشجاني
حتى احسين نور العين ابنار البين چــــواني
يتيمه والحزن زادي اذكر والي علي ســـادي
,,,
نسالكم الدعاء