يالحبيبه يابعـــد عيني

امي
يالحبيبه يابعـــد عيني
الله يساعدچ يمي عــــالونني
يمي مـــــــوذره وگلبچ يناغيني
وأشوف إعيونچ إمدمعـــــات بشجوني
عذاب وألم والآهــــــــــات راووني
يمي
إيدچ دوه لروحــــي وچلماتچ عناويني
أجلس ألتفت بالدار منهـــــو هناك تانيني
بس الصدى آنه وياه ياعمــــــري تحاچني
إجاچ الموت وآنا بزهـــــــــــوة إسنيني
يمي
ياحبيبه للگبر طبيت ورفعة الچفن بلكي تشوفيني
ومتديت جنبچ وحظنچ صدرچ ياوســـفه تركتيني
يمي ماعملت الشين خص وياچ ولا عمـريچ ضربتيني
يمي
تمرضت منهو اليداريني
يمي
تعذبت منهو اليواسيني
يمي
غيبتچ هدمت كل حيلي
يمي
ظلمه ماتنشاف وگدامي الايام السوده تربيلي
تركتيني العذاب الدنيا وآنه صغير منهو اللي يدليني
اذا ضاكت عليه همــــــــوم وتتراكم تاذيني
يگلولي الصبر والصــــــــــــبر ناسيني
حسافه الموت إجه فرهــــــــــد ضوه عيوني
يمي
انتي الجنان وزهوة اسنيني
حسافه ياحبيبه من تركتيني
**