آه ياروحي نيسوچ

بسم الله الرحمن الرحيم

اللهم صل على محمد وال محمد

تصور الحدث

الموت آتي لامحال

آه ياروحي نِيســوچ... هالأهل من فارگوچ

باللحد إدخلتي وحـــدچ... غير أعمالچ إشعندچ

آه ياروحي نيسوچ
......
وين عيزچ والترافه ... وين زهوة هالشباب

وين صولا تچ ونفحيچ ... خدي صار إعله التراب

عشرتي نسيوها أهلچ ... والگرابه ويالأصحاب

والگبر موحش عليچ... إبظلمته والگلب ذاب

تالي الوحدچ بقيتي ...آه ياروحي نيسوچ
آه ياروحي نيسوچ

.....
وين مالي اللي جيمعتــه ...وچان إلي فرحه و سرور

وين أولادي التحـــــــبني ... عالأقل تعـــــــتني تزور

ياحسافه إنترك شخصي ... ولا أنيس إبهل الگبور

إشلون دار اللي إسكنتها ... من بعــد ذيچ القصور

ظلمه وحشه بحفرتي ... آه ياروحي نسوچ
آه ياروحي نيسوچ
......
ساعه وإتزلزل كياني ... جليسوني للحساب

تحيرت مدري إشجاوب ... راح من عندي الصواب

منكر الرحمـــن دزه ... يريد من عندي الجواب

ولادي إومالـي إوشبابي ... والعملته أمسه سراب

ويلي ويلي إشلون بيچ ... آه ياروحــي نسوچ

آه ياروحي نيسوچ
.......
ياعمل عني يدافـع ... إعمالي مجمع للذنوب

باهيته صورة صلاتي ... واضحه عندي العيوب

صورة إصيامي هزيله ... مبين عليها الشحوب

وباقي أعمالي بسيطه ... وأظهر عليه الغروب

تالي للنار إسحبوچ ...آه ياروحي نســـوچ
آه ياروحي نيسوچ
......
ضاكت الوسعه عليه ... وأيست من النجاة

إهناك لَن صوره تجيني ... نورها ردلي الحياة

صار بيه گبري روضه ... إبگلبي حسيت الثباة

نور حيدر والولايه ... ثابته حتى المماة

راحوا ماعذبوچ ... آه ياروحي نسوچ
آه ياروحي نيسوچ
.....
عترة الهادي إوضنوته ... بيها وصانه الرسول

نكروا أصحابه الوصيه ... وكسروا ضلع البتول

أسسو حكم أل إميـــه ... صـابر هالدين إبذهـــول

إشلون يرجون الشفاعه ... الخلــــــوا الباطل يصول

حرصوا الدنيه إوخذوچ ... آه ياروحــــــي نسوچ
آه ياروحي نسوچ
.......
نصيحه...
العمل الصالح والتقوى والاقتداء بنور الهدى والعروة الوسطى والقرآن المجيد والعترة الطاهره
الله يامؤمنين عليكم بدمعة الامام سيد الشباب أهل الجنه سفينة النجاة يوم الحشر العظيم نور عيني ياحسين واله الطاهرين لكم رحمه من ربي العالمين
اللهم اجعلنا من الثائرين والبكائين على مصابا