موقع الحاج ابومهندالسلامي النجفي

ذوله انصارك ينتظروك ..

استعرض الموضوع السابق استعرض الموضوع التالي اذهب الى الأسفل

س ذوله انصارك ينتظروك ..

مُساهمة من طرف ابومهندالسلامي النجفي في الجمعة مايو 09, 2014 10:47 pm

بسم الله الرحمن الرحيم
اللهم صل على محمد وال محمد
ــــــــــــــــــــــــــــــــــــ
ينتظروك ينتظروك ..ذوله انصارك ينتظروك
ألبس اللامه والدرع ..ياباالحسن جاك الفزع.2
ذوله انصارك ينتظروك ..
@@@
ياباالحســـن دم والدمع عالخــدين @ سالت أعيون أملاك رب الكونين
وجبريل صاح أتهدم أركان الدين @واشلون بالاســـــــلام يابو الطيبين
ألبس اللامه والدرع ...ياباالحسن جاك الفزع .2
@@@
يامن أفراش النبي صار أفراشه@ وأرخص الـروح وصار من حراسه
وماهاب كل جمع الكفر بفراسه @ حــــــيدرعضيد النبي فادي راسه
ألبس اللامه والدرع ...يابا الحسن جاك الفزع.2
@@@
يالواجهت عمرابن ود بالميدان..من صاح وين أهل الفراسه الشجعان
اتخاذلــت كلها يــروح القــرآن ..وانت الذي بچـــفك نصـرت الايمان
ألبس اللامه والدرع ...ياباالحسن جاك الفزع .2
@@@
ياباالحسن سيف الــمـراد يطـرحك...وأنت الذي الفرسان عجزت رمحك
لكن قضاء الله ســـــــاور جرحك...إي والــــــذي نور وشعشع صرحك
ألبس اللامه والدرع ...يابا الحسن جاك الفزع.2
@@@
ياباالحسن سحوح الحرايب تنخاك ...يشهد بدر وحصون خيبر لولاك
ولا واحد اتقدم فتحها أو وازاك ..ياباب علـــم المصطفى اللي رباك
البس اللامة والدرع ..ياباالحسن جاك الفزع .2
@@@
ياباالحسن شيعتك بالظيم اليوم ...يمتى الفرج يظهروللشـــــيعه يگوم
ويفرح الگلب الذي أنساگ اسموم...من أحافدابوسفيان أرذال الگوم
ألبس اللامه والدرع ...ياباالحسن جاك الفزع.2
@@@
ياباالحسن آهل الضغائن يردون ...يطفون نور الله بس ميگدرون
فجروا كل مسجد البيه ايذكرون..اسمك يروح المصطفى ويتباهون
البس اللامه والدرع ..ياباالحسن جاك الفزع .2
@@@
أنهض يراعي الزود سل الفقار... وهاي الجحافل جايه تريد الثار
منك يخو سيد الرسالة المختار... يطلبوك ثار اصنامهم يامغـــوار
ألبس اللامه والدرع ...يابا الحسن جاك الفزع .2
@@@
ياباالحسن محرابك يضل موجوع ..لا ما ماظهر سيف النصروالمسموع
ويگطع اعروق الغدروالحقد يموع ...وينشرعدلها ويبري گلب المفجوع
ألبس اللامه والدرع ...ياباالحسن جاك الفزع .2
@@@
نسالكم الدعاء
avatar
ابومهندالسلامي النجفي
انت رائع


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى