يالأكبر خيبت أمـــــــــــالي هوسات

بسم الله الرحمن الرحيم
اللهم صل على محمد وآل محمد
الهوسات
للاكبر يالأكبر خيبت أمـــــــــــالي هوسات Text-10

،
آنه الوالده عدمن إمخليني
يوليدي يالأكبر يابعد عيني
ييمه للگــــبر بيدك توديني
يالأكبر خيبت أمـــــــــــالي
،
آنه إمك يالأكبر والدهـــــر ذبني
يالردتك العازاتي وكـــــبر سني
عسه گبلك ييمه الموت ماخذني
يحــــــــــــــــــبيب ردتك للعازه
،
ينور العين لإمك گوم حا چيها
وإسالها عالضيم اللي جره عليها
حبيبي ما گلت عدمـــن إمخليها
آحا من عگبك مهضومــــــــــه
............
لفت ليلى إبألمها إتصيح وين إضناي
يوليدي يالأكبر مـــــن گطع رجواي
لا ريد التعب لا ريد بعــــــــد إرباي
وإبدمك طيبة إجـــــــــــــــــــروحي
لحسين أفدي إعيوني إوروحــــــي
...........
يوليدي يالأكبر يابعـــد عيني
أبد ما خاب ظني بيك يجنيني
ربيتك إل هذا اليــــوم وافيني
وفيت إبروحـــــــــــــك يوليدي
لأجل إحسين أفدي آنه إوريدي
...............
آني أمك يالاكبر گـــوم حاچيني
ياروحي وحياتي وثمرة إسنيني
علي يبني بيك إجــروح تاذيني
ما أنسه إجــــــــروحك يالغالي
ياگلبي إوثمـــــــــــــــرة دلالي
...........
عمتك هاي إجتك والگلب لهفان
يبني إتصيح الأكبر زهرة الشبان
يانور الحبايب للـــــــوفه عنوان
أصرخ لو هلهل گلــــــــــــــولي
مرفوعه الراس إبمدلـــــــــولي
............
علي إسمك نبع يسري إبشراييني
سهرت آنه الليالي يا رياحيني
لأجل هاليوم ردتك ياضوه عيني
لأجل حســــين إتضحي إبروحك
والزهــــــــره إتداويها إجروحك
...........
نسالكم الدعاء