موقع الحاج ابومهندالسلامي النجفي

اموت اوكل نبض يصرخ احــبك

استعرض الموضوع السابق استعرض الموضوع التالي اذهب الى الأسفل

س اموت اوكل نبض يصرخ احــبك

مُساهمة من طرف ابومهندالسلامي النجفي في الأربعاء سبتمبر 19, 2012 11:59 pm


ميت هــلا (إبلمتكم) يالاشراف
وفرحنه إبنوركم نور يالاشراف
وحگ حيدروأرض النجف الاشرف
 افدي إروحتي  الخدام  الزچيه
ــــــــــــــــــــــ
كتاب الشـوق ياشــــيعي . وردها
وعزمة اقطف حزن عمري. وردها
االأفــــــــــراح الوصي أنثر. وردها
وطش روحي وصيحن واهليه
ــــــــــــــــــ
أعاهد الــولــي حيدر علينه
وإشماجارالدهروقصى علينه
يداعش يسامع روحي وأولادي العلينه
لأفديها وحق رب البريه
صلوات
ــــــــــــــــــــــــ
عاشق والعشــق جوهر سلامي
وفرحنه الليله بأفراح (من أجل ) السلامي
لأبوزهير (أنور) حازم قاسم من يوصل سلامي
أريد أبعث سلامي
واشركه إبفرحتي هاي المسيه
وينثر ورد ويأدي التحية

صلوات
ـــــــــــــــــــــــــــــــ
عشقتك والعشق جوهر سلامي
شيعي أتفاخر بنسلي  سلامي
لابوالحسنين من يًوصِلْ سلامي
أفدي الروح أله بهاي المسيه
صلوات
ــــــــــــــــــــــــ

وحگ النبي وقـــرآنه ودينه
أبمولد زينب الحــيدر ودينه
عهد للمـــوت نتماسك ودينه
تحمل منهجه الحاميه الحميه


ــــــــــــــ
بسم الله الرحمن الرحيم
اللهم صل على محمد وال محمد
@@@
أموت أوكل نبض يصرخ أحــبك
عشگناك وعشگنه اشواگ دربك
عهد ياعلــي للمــوت
وعدوك يسمع الصوت
عشگناك وعشگنه اشواگ دربك
@@@
يابئرالنقذ يوســـف من الموت
ويانورالنشــرنور بطن حوت
من سرالوجــود أنوار
نشرها والـد الأطهار
عشگناك وعشگنه اشواگ دربك
@@@
ياسرإلاه أو ســــــــــــــرنبينه
علي ابإسمك من الشرأحتمينه
اليبغضك ياعلي كافر
ويله من الحشر باچر
عشگناك وعشگنه اشواگ دربك
@@@
حٌبك ياگلــب ما بين الأضلوع
يانبض المحنه شوف الإدموع
جلمة ياعـــــلي أبدمي
إرضعتها من حليب أمي
عشگناك وعشگنه اشواگ دربك
@@@
ظلمه ايام عشناهه بعـــــدين
عنك يبو الغيــــره وسلوة العين
يا مشكاة من نور
أسمك للگلب سور
عشگناك وعگشنه اشواگ دربك
@@@
طريق السار بي عابس وسلمان
صارإعيون شيعي أبكـل الأزمان
حبك هـــــو كاتلني
وحق الباري  جـنني
عشگناك وعشگنه اشواگ دربك
@@@
ياروعة جمالك مالها أوجـــود
يافردوس عمري عالمحب جود
شيعــــي وأنتظر عطفك
الكرم من طبعك إوصفك
عشگناك وعشگنه اشواگ دربك
@@@
عطاشه وتدري نروي إبفيض معناك
ينور إگلوبنه المـــــا مختفي إضواك
يعطر إيامنه الـ فاح
يأجمل وأحلى مصباح
عشكناك وعشكنه اشواك دربك
@@@
إلك رفرف جنح گلبي محّنه
أطلبك تجلي كل إهموم إهلنه
ونعيش أبفــرح يمجاد
وعلينه الخــــــير ينعاد
عشگناك وعشگنه اشواك دربك
@@@
نساكم الدعاء


عدل سابقا من قبل ابومهندالسلامي النجفي في الخميس يناير 19, 2017 12:18 am عدل 2 مرات
avatar
ابومهندالسلامي النجفي
انت رائع


الرجوع الى أعلى الصفحة اذهب الى الأسفل

س رد: اموت اوكل نبض يصرخ احــبك

مُساهمة من طرف ابومهندالسلامي النجفي في الخميس يناير 19, 2017 12:16 am

وحگ النبي وقـــرآنه ودينه
أبمولد زينب الحــيدر ودينه
عهد للمـــوت نتماسك ودينه
تحمل منهجه الحاميه الحميه
avatar
ابومهندالسلامي النجفي
انت رائع


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى