وفاة سيد شباب الجنة الامام الحسن عليه السلام...الشيعه تتحسر على فگد الحسن ... إولبسة الأكفان من ذاك الزمن...

بسم الله الرحمن الرحيم
اللهم صل على محمد وال محمد
...................
ذكرى وفاة الامام الحسن عليه افضل الصلاة والسلام
..........
المستهل
.........
الشيعه تتحسر على فگد الحسن ... إولبسة الأكفان من ذاك الزمن
....
1
إنجمعت آلام الحزن هم وعـــــذاب ... من وفاة المصطفى وكسرة الباب
.
الچان نايم بالجحر شد الحــــــراب... سربت والله الوصــــــيه إم الفتن
...........
2
سربت بالفعل إشوصاها الرسول ... لعلي حيدر أتمن أصعب حلول
.
سوفه يرتدون بإيمـــان الجهـــول... لا تســــل سيفك ولا تترك سنن
........
3
جاهد بنفس لجل كلمــة الحق ... وسع بقانون العدل لآخر رمق
.
وشاهد بعينه جـــــرح مــاينطق... ضلــــع فاطمـة البتول بياشجن
.............
4
إشلون صابر صبر ماشفه أحد ... ســـار بالقرآن حتى للحـــد
,
والحسن وحسين سارو عالعهد ... جاهدوا برواحهم ظيم ومـحن
.....
5
الحسن ياشيعه سموه إبحذر ... والچبد بالطشت متگطعه وِذر
.
وأل هاشم ضربواطبول الخطر ... اليوم يوم الملحمه لازم تجن
.......
6
أبوفاضل وإخوته وكل الأنصار...جردوا لسيوف هاجوابالأخطار
.
الله اكبر ياخگ بيت الاطهار ...شبولكم هاجوا ورادو بس إذن
................
7
هاي أرض الطف أشوف البيها ... سيوفكم مــــــــــــــاتنثني تاليها
.
بالدمه طف كربله إم مغرگيها ...والنعم منكم يخــــــوتي إويالمحــن
..............

ونسالكم الدعاء