يحسين اجلي شوف الشيعة ..لطمية ثقيل

<BLOCKQUOTE class="postcontent restore ">بسم الله الرحمن الرحيم
اللهم صل على محمد وال محمد
,,,
المستهل
,,,,,
يحسين إجلس شوف الشيعه يحسين اليوم
لشخصك كل شي إحنه إنبيعه يحسين اليوم

لامال ولا ولــدْ نريد..مثبتين إبنور التوحــيد

يحسين اليوم,,
,,,,,,,,,,,,,,,,,,
(1)
,
يحسين إسمك بالدماء إكتبناه,,,2
بصدورنه ثابت بعـــد وثقناه
والمنهجْ الصغته أبد ماعفناه,,,
چم جائر وظالم طلع قارعناه
,
هدمنه أركان الطغيان يحسين اليوم
ماننسه الجسم العريان يحسين اليوم
,
وأحنه أحرارك منتصرين.زحفولك والله إمــــلايين
يحسين اليوم..
,,,,,,,,,,,,,,,,
(2)
,
من جيل جيل إنعاهدك ماننساك ,,,2
وعالتقوه والإيمان ماشين إوياك
وإرواحنه فدوه تروح لطرواك,,,
متوذرين إوذر نجي ونتعناك
,
منهاب الموت يالغالي يحسين اليوم
ياروحي وثمرت دلالي يحسين اليوم
,
إنواجه كل الأكوان .إبسيرتكم والقرآن
يحسن اليوم
,,,,,,,,,,,,,,,,,,,,
(3)
,
إبسيرتكم المعروف أبيض معروف,,2
والمنكر أسود ما يضيع إومكشوف
فصلتو شرع الله وإكتبتو إكشوف,,,
وإلي نكر حقكم إبآخرته يشوف
,
النار التلهب بضلوعه يحسين اليوم
خليه يشوف اللوعـه يحـسين اليوم
,
ماتنفع توبه إهناك.سيد الرسل وصاك
يحسين اليوم
,,,,,,,,,,,,,,,
(4)
بلغ رسول الله وقر المعراج,,2
وإنطه اليصير وركزه بكل منهاج
من بغض شخصك ياعلي يشوف أمواج,,
نيران تسلط عليها وأفواج
,
الخالق يقتص من الغادر يحسين اليوم
دمائك هزت سخط القادر يحسين اليوم
,
ياقصر إلي يحاميكم
والدنيا إشسوت بيكم
يحسين اليوم
,,,,,,,,,,,,,,,,,,
(5)
,
إمصابك يبو السجاد ما مثله إمصاب,,2
سهم المثلث للگلب لمن صاب
بكربله صدرك صار ميدان إحراب,,
وعالعتل عقيلة هاشم تريد إجواب
,
مذهوله وتندب وتنادي يحسين اليوم
ياروحي وياروح الهادي يحسين اليوم
,
آنه إختك يانور عيوني
بضلع إمك گوم وحاچني
يحسين اليوم
,,,,,,,,,,,,,,,,,,
(6)
,
مثل الگطه يمك النسوان تحوم,,2
مذعوره ومن الخوف تنخاك إتگوم
وأطفال من العطش هاموا بالحوم,,
دم الدمع تجريه ومتحمله إهموم
,
راحوا يم عباس عضيدك يحسين اليوم
من شافوا مذبوح إوريك يحسين اليوم
,
وزينب محتاره إبأيتامك
من شبوا بالنار إخيامك
يحسين اليوم
,,,,,,,,,,,,,,
(7)
,
توجهت زينب لعد صوب الكرار,,2
ياأسد خيبر گوم شوف الي صار
هامت عالوديان إصغار إكبار,,,
وتجمعوا عالعائله هالاشرار
,
ضليت أركض بالوادي يحسين اليوم
يابويه ذاب إفـــــوادي يحسين اليوم
,
ضليت بلا وليان
وشبولك عالتربان
يحسين اليوم
,,,,,,,,,,,,,,,,,,,,,,,
نسألكم الدعاء

</BLOCKQUOTE>