عبدالله الرضيع موشح

بسم الله الرحمن الرحيم

اللهم صل على محمد وال محمد

القصيده

عبد الله الرضيع
عليه
السلام

يعبد الله الگطـــــــــع مابينك إوبيني ... سهم مصيوب ريته إتصوب العيني

يريته إتصوب العيني ولا شوفــك ...تفرفح بالگمــــاط وتومي بچفوفك
سهمك خان بيه وخان بظروفــــك ... عامني سهـــــــــم فرگاك عاميني

سهم مصيوب ريته إتصوب العيني

عاميني عساً يالراحة أحلامـــك ... چنت أنتظر وأحسب فرحة أيامك
أحلامك صفت وتلاشت أحلامـــــك ... وأصبح بس حــلم عمرك يسليني

سهم مصيوب ريته إتصوب العيني

تسليني ييمــــــــــــه إوظنتي تكبر ... وأشوفك بالمــــــهد تلعب وإلي منور
والله إيطيح گلبي لـــــــو ردت تعثر ... وعثرني زماني إوضاعت إسنيني

سهم مصيوب ريته إتصوب العيني

ضاعت يالچنت بگلبي تدفـــــــه ... وإعيونك تنام وعيني ماتغفــــه
الف وسفه يعبدالله الف وسفـــــه ... بگت ذكراك والآهــــات وإونيني

سهم مصيوب ريته إتصوب العيني

أذكر من چنت أتعنه يم مــــــــهدك ... أشيلك عالصدر وأشتم عطر ودك
يعبد الله لون حبيتك إبخــــــــــدك ... تضحكلـــــي وأناغيك وتناغيني

سهم مصيوب ريته إتصوب العيني

أبوسك عالخدود ومبسمك يضحــــك ... وأخاف عليك من إرموشي لتجرحك
يبني أشلون سهم النايبه يذبحـــــك ... ياذيني منذكر السهم يايمه ياذيني

سهم مصيوب ريته إتصوب العيني

أويلي أشلون أعمه الگلب ما شافك ... تلوب من العطش وإتحرك إشفافك
وماعافك يعبدالله ولا عـــــــــــافك ... رماك ومن رماك إنهدم كل حيلي

سهم مصيوب ريته إتصوب العيني

رماك ومارحم لابوك لا إمـــــك ... وحليبك ياچبدتي إنخبط وي دمك
أحير بهم أبوك إحسين لوهمك ... رسيني علــــــى فد راي رسيني

سهم مصيوب ريته اتصوب العيني

بالدم والحليب إنصـــــبغن إثيابك ... وللخيمة ابو السجاد من جابك
وعلى مصابك هوت روحي على مصابك ... القدرصابك حسافه يابعد عيني

سهم مصوب ريته إتصوب العيني