موقع الحاج ابومهندالسلامي النجفي

زينب إختك نزلت إعله المشرعه

إرسال موضوع جديد   

استعرض الموضوع السابق استعرض الموضوع التالي اذهب الى الأسفل

س زينب إختك نزلت إعله المشرعه

مُساهمة من طرف ابومهندالسلامي النجفي في الأحد أكتوبر 29, 2017 2:27 am

بسم الله الرحمن الرحيم
اللهم صل على محمد وال محمد
ـــــــــــــ
گوم شاهــــــدها العزيزه مروعه
زينب إختك نزلت إعله المشرعه
ـــــــــــ
گـوم ياأبالفضل وتلگه الضيوف
رجعوا من الشام لحزان الطفوف
بعدعينك شافــوا ألون الصنوف
صعب أوصفها الگلوب مصدعه
ــــــــــــــــــــ
مصدعات إقلوبهن تنزف تسيل
دمه وشدالطوگ عالرگبة  ثگيل
ياگمــر هاشـــم أَلَمـْـهن ما يزيل
بعد عيناكــــــــــم الكل متلوعه
ــــــــــــ
ملوعـــه بجروحها وظيم الــزمان
القسه وياها وضيعت ذاك الأمان
اليوم أجت للطفوفها إتريد الحنان
أســمــع أتعاتب يويلي المشرعه
ـــــــــــــ
المشرعــه نزلتها زينب يالغــريب
وصارت أتعاتبها بدمــوع ونحيب
ويــن عباســــچ  تســائلها وتجيب
شرب من مايچ ورحتي المصرعه
ــــــــــــــ
المصرعه رحتي وشرب ماي العذب
لوغفـه بنــومـته  ولا شـفتي إشــيحب
نشمي نور أعيوني  مَيْرِدْ  المُحِب
أبوفاضــل وفي  وطيب  مرضعه
ــــــــــــــــ
رضعته الغيره الحـبيبه أم البنين
ورفع راية علي لعضيده الحسين
وقف بالطف أسد ضد المارقين
وضيگ أعليهم الأرض الواسعه
ــــــــــــــــ
والنعم من نور عيني وسـلوتي
وتاج راسي الماخذلني  إبنخوتي
ياحســافه الگدرضيع لي أخوتي
لولا المگدر مشـوفن مصرعه
ــــــــــــــــــ
نسالكم الدعاء
avatar
ابومهندالسلامي النجفي
انت رائع


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى