الرباب تون وينين وصعب توصيفه

بسم الله الرحمن الرحيم
اللهم صل على محمد وال محمد
موشح
.
الرباب تون وينين وصعب توصيفه ... إعله شمامة حسين وبالگلب خوفه
,,,,,,,
يعبد الله الگلب خايف بعد متعـــود ... صــــدر يابس ييمه والچبد ممرود
,
الماي الي تريده اليوم مو موجود ... ساعه تحضنه ساعه تگلب إچفوفه
,,,,,,,
ساعه تنظر لوجه يصــــــير ألوان ... يفرفـــــر بيده ومن العطش تعبان
,
فرت روحه وصاحت يعالي الشان ... تعـــــــنت زينب إلها رايه تشوفه
,,,,,
أويلي ياضوه عيوني الطفل عطشان ... يبو السجاد إخذه وياك للميدان
,
صعبه اشلون يختي وبگلب حزنان ... شربة ماي إطلب وبيدهم عوفه
,,,,,,,
شال الطفل بيده وراح للاشرار ... إعله ضوية نور نحره وبسهم غدار
,
نصاب الطفل وبچبد لــــهيب النار ... والـــدم يتناثر وأشــــــــبچ إچفوفه
,,,,
شبچ نحر الحسين وغربة روحه ... صاح بصوت يختي هِدئ من نوحه
,
الصبر يختي الصبر عالدهر وجروحه ... دهري الخان بيه وخانت إضروفه
,,,,,,
يعبدالله سهم فــــــــــــــرگاك دولبني ... شگل لإمك تنطــــــــرك لو تناشدني
,
شربة الماي ورتاحــــــيت لاعبني ... شو نايم يعمــــــــري وجلسة تشوفه
,,,,,
نايم يالولد ناغيني يالمـــــــــــدلول ... إصمـــله عليك تندب والعگل مذهول
,
وين الضحكه ياسلوتي وين گـــــــول ... ييمـــه الموت إجاني بجيت الكوفه
,,,,,,,
نسالكم الدعاء