موقع الحاج ابومهندالسلامي النجفي
الشوط الكربلائي استشهاد الرسول ص الجديد 354088159

انضم إلى المنتدى ، فالأمر سريع وسهل

موقع الحاج ابومهندالسلامي النجفي
الشوط الكربلائي استشهاد الرسول ص الجديد 354088159
موقع الحاج ابومهندالسلامي النجفي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

الشوط الكربلائي استشهاد الرسول ص الجديد

استعرض الموضوع التالي استعرض الموضوع السابق اذهب الى الأسفل

الشوط الكربلائي استشهاد الرسول ص الجديد Empty رد: الشوط الكربلائي استشهاد الرسول ص الجديد

مُساهمة من طرف ابومهندالسلامي النجفي السبت أكتوبر 26, 2019 8:49 pm

بسم الله الرحمن الرحيم



اللهم صل على محمد وال محمد

الموشح

المستهل

العرش حزنان ويهل الدمع ...اليوم بإمصاب الرساله منفجع

..............
(1)
صوت جبرائيل عالزهره يون ... والإملاك إتون على ونه  وتحن
راح سيد الرسل يا أم الحزن ... وأدري متحملين كـل هذا الوضع
.............
(2)
اشلون تتحملين وبگلبچ عِللْ ...والإصواب إلصابچ إيهد الجبل
مسجه واولاه فوگ المغتسل...وعلي إبحزانه يلوج  ومنفجع
...........
(3)

يجر حسراته الحسن بآلامه ...والحسين إينوح عند أقدامه.

وعلي صدره شابگه والهامه..مفرع وعيناه تذرف دم دمع

ــــــــــــــــــ

(4)

شابگه المرتضى وصدره عالصدر...آه واويلاه إودموعه تدر

والزچيه روحها أتحاچي الدرر...راح ســلوتكم يأَنْوار الشفع
.................

(5)

المرتضى شاف الحنينه أتنادمه...وخاف دمعتها الأ خوه إتألمه 

حاول  إيهدئها حماي الحمــه ...إم إبوها وسلوته ونوره اليشع

...............

(6)

إبهاي حالتهم وهالباب أنخلع...وصارت البضعه تلوذ من الفَزَعْ

والنذل أعصرهاعالباب ورجع...وطاحت أعله الارض والمحسن وگع

................

(7)

هامت الأفلاك سمعة فاطمـــه ...إتنادي يامولاي والمدمع دمه
يالرضاها من رضا رب السمه...طايحه عالارض من كسرالضلع

ــــــــــــــــــــــــــــــــــــــــــــــ

(8)

هاجت إرجال الرذال والرجس ...ولا تگول الچان حاميها أمس
في ميادين الحرب كلها تنس ... إتيقنوا لِوْصِيَتْ الهادي خضع

...................

(9)

وأَلــه لو هالحـــيد باگيله الإمر ... چان ما واحد أبد منهم جسر
وسيف ذوالفقار چا حزالنحـــــر ...للذي إتعمد على كسر ضلع

................ 

(10)

والكسرضلع الزچيه فاطمه ... إنته وحدك گوم گلي وقيمه.

هًوَ إبن فراش حره وغانمه...لا وحگ من سجد للباري وركع 

ــــــــــــ

نسالكم الدعاء



الشوط الكربلائي استشهاد الرسول ص الجديد 348421569
ابومهندالسلامي النجفي
ابومهندالسلامي النجفي
انت رائع


الرجوع الى أعلى الصفحة اذهب الى الأسفل

الشوط الكربلائي استشهاد الرسول ص الجديد Empty رد: الشوط الكربلائي استشهاد الرسول ص الجديد

مُساهمة من طرف ابومهندالسلامي النجفي الأربعاء أكتوبر 23, 2019 6:04 am

بسم الله الرحمن الرحيم
اللهم صل على محمد وال محمد
............
رسول الله أبوداعه زيد إونيني ...عسى هاليوم مامر ياضوه عيني
........
(1)
المدينه انوارها مطفيه يالغالي ... وحشه أداركم وإنصاب دلالي
ما أنساك بويه ورسمك إبالي ... يبويه عگب عينك مـن يسليني
........
(2)
يسليني البچه والنوح والآلام ...وليلي لا لفه ماترضـــه عيني إتنام
يازهرة حياتي وزهـرة الاسلام ...نزف گلبي دمــــه ياهو اليداوني
.........
(3)
اليداوني رحل وإفراگه چاويني...وحيدر بالــــوصيه انچتف  ياعيني
يابويه الضربني سقط اجـنيني..وصحت فضه ألحگي الصحبه أذوني
...........
(4)
إجروحي ماتطيب وهمي دولبني ...وحيلي من هدم والدهر غلبني
ياسيد الرسالة القوم تطلبني ...بثار أصنامهم جسروا يضربوني
..........
(5)
يضربوني يبويه من بعدعيناك...بنيران الغدرشبوا يروحي أحشاك
من جاهم خبرجبريل صد ينعاك...يانور النبــــوة ويابعــــد عيني
.............
(6)
هضمني إل هجم عالدار بحقاده ...والــباب العصرني نوله إمراده
وصلت له الوصيه إو گام يتماده ...كسرضلعي يبويه إوسقط إجنيني
...........
(7)
عرفوا بالوصيه وصلت الأخبار ...من بنت الرذاله الجالسه بالدار
علي لاسيف تشهروإحفظ الاخطار...بيدك ياعلــي هالدين حاچيني
.........
نسالكم الدعاء


الشوط الكربلائي استشهاد الرسول ص الجديد 348421569
ابومهندالسلامي النجفي
ابومهندالسلامي النجفي
انت رائع


الرجوع الى أعلى الصفحة اذهب الى الأسفل

الشوط الكربلائي استشهاد الرسول ص الجديد Empty رد: الشوط الكربلائي استشهاد الرسول ص الجديد

مُساهمة من طرف ابومهندالسلامي النجفي الأربعاء أكتوبر 23, 2019 5:49 am

أبوذية
ــــــــــــــ
الضلع آَلمْ گلـب زينب ..وسله
النبي وصيته إچتفت حيدر..وسله
لــــون فقاره بإ يمينه ..وسله
ولاواحد گـــرب بيت الزچيه
ـــــــــــــــــــــ
الدمع يغلــب جوابي .. منتسلني
على إضلوع الزچية..منتسلني
يفوگ الحزن صبري ..منتسلني
ودموع العين تذرف كل مسية
ــــــــــــــــ
وحگ الحق فرض للحق..وسيله
ودمعك يجري وي دمعي..وسيله
أريد آني أعتني الحيدر ..وسيله
إشلون إصبرت عالآذه الزچيه


الشوط الكربلائي استشهاد الرسول ص الجديد 348421569
ابومهندالسلامي النجفي
ابومهندالسلامي النجفي
انت رائع


الرجوع الى أعلى الصفحة اذهب الى الأسفل

الشوط الكربلائي استشهاد الرسول ص الجديد Empty ملاكرار جديد الشوط الكربلائي

مُساهمة من طرف ابومهندالسلامي النجفي الأربعاء أكتوبر 23, 2019 5:19 am

بسم الله الرحمن الرحيم
اللهم صل على محمد وال محمد
 .............
عقيلي 
أصحابك يابويه الهضموني... وعگبك مولاي أتولوني.
........
من بعدك دلالي أتوجـــع ...دخلو للـدار وحرگـوها
حيدرعن عهدك مايرجع...وعهودك گومك تركرها
إتمنيتك يالوالد ترجع ..وأتشوف أضلوعي الكسروها
وتشاهدني بذاك المصرع...خلف الباب إلي عصروها
صحت ولاواحدهم يسمع....من طاح أجنيني وشلوني
 عگبك مــــولاي اتولوني
............
أذكريابويه أحچاياتك ... توگــف بالباب أو تسـتأذن
ورب العزه إختاراعيالك ...للحق أتوصل ماتوهن  
لاچن حرگولك دلالك ...أصحابك للحگ  ماتذعـن
خانوا عهدك خانوا ذاتك...ظلموني أوبعدك أذوني
عگبك مــــولاي اتولوني
........
خانوك الماعدهم رحمه... والعهد  أصبح  ماموجود
ونورالقرآن إو نورأسـمه...ظل للعتره وأهل الجـــود
وذاك البخ أنبخ الرمه... أجرم بالجــــــرم المحشود
لا دين العنده ولا ذمه...إبإيده إضربني وشل اعيوني
عگبك مــــولاي اتولوني
.....
يا بويه الظالـم حاربني...وصارة بعض الناس إتريده
  ولوله إوصيتك مالوعني ...چا حيدر ماعاف أوريده
وبدارإحزاني وفاجعني ...وضليت إبهمي آني وحيده
وآني إبحسراتي ومانعني ...إبچي إفراگك ماخلوني
  عكبك مولاي تولوني
......
آه إمـن آلامـــي وآلامك ...لاچن  وصية  أنت  أبهاي
 وكل شئ علمته وأحكامك...غيروها الماعــدهم راي
وأرتــــــدت للجهل وظلموا ...غرتهم هـــالدنيا أهواي
يابويه  أوصيتك تركوها... للعتره گامـــوا جافوني 
عگبك مولاي إتولوني
.........
نسالكم الدعاء


عدل سابقا من قبل ابومهندالسلامي النجفي في السبت أكتوبر 26, 2019 8:35 pm عدل 1 مرات


الشوط الكربلائي استشهاد الرسول ص الجديد 348421569
ابومهندالسلامي النجفي
ابومهندالسلامي النجفي
انت رائع


الرجوع الى أعلى الصفحة اذهب الى الأسفل

الشوط الكربلائي استشهاد الرسول ص الجديد Empty الشوط الكربلائي استشهاد الرسول ص الجديد

مُساهمة من طرف ابومهندالسلامي النجفي الأحد أكتوبر 01, 2017 2:16 pm

بسم الله الرحمن الرحيم
اللهم صل على محمد وال محمد
الشوط الكربلائي
.....
ينورالعين هضموني ...يسيد الرسل ضربوني
 
ولذت عالباب ياخدري...صحبتك هشمواصدري
بألم وإبخوف خلوني
....
يبويه خانوا إعهـــودك ...إصحابك غدروا الكرار
هجموا لا رحم عدهم ... مثلهم طــــالبين الثار
ماخافوا غضــب ربهم ...حرگوا دارنه الأشرار
لذت بالباب أتســــتر ... عصرني المجرم الغدار
صحت والجرح ماذيني ...يفضه گومي إسنديني
سگط يامهجتي إجنيني
حاميني يحامي الجار ... إنت السند يعيوني
...........
وينك يا أســـــد خيبر ... هاي الگوم  گومـــلها
ماتدري الوصي مچتف ...بوصيت وحاير إبحلها
 عهد ماخذ رسول الله ... وأبو الحسنين حاملها
ولا يرفع السيف اليوم ... إبصبر وبحكمة كافلها
حيدر حاير إبأمره ... إمتثل عالعهد واليجره
وظلت فاطمة الزهره
تجرحسرات ياكرار ...أشلون ارضيت ذلوني
......
إبحسرتها إگصدت للگوم ... وتتعثر وكلها إجروح
ونادت بضعة الهـــــادي ...يگوم الغدر مالي الروح
إذكروا وگفة الخــــالق ...وعذاباته وسؤال الروح  
آنه إم الرســــــول الچان ... إلكم ساعده مطروح
صعدت منبر المسجد ... إبفصاحه إبصوته تمجد
ورشدتهم على الموعد
وين البيكم الاحرار... سكتم مــــــا تحاچوني
...........
گامت تذكـــــر الباري ... تحمدعلىالجره والصار
الكون إهتز على ونها ... وخافوا سخطت الجبار
الحسن وحسين مهظومين ... وتلهب بالگلوب النار
نزلت والجسم خـــــاوي ...وسحبت حيدر الكـــرار
.....
سارت والگلب حزنان ... دم الدمع كالغدران
نكروا آية القرآن
صارت بيد هالاشرار ... عگب عيناك سبوني
......
غيابك بالگلب أثر... ونتي تفسر المرمر
وحشه الدار يابويه ... وفؤادي عليك يتمرمر
حبيب الله ودعته ...فراگه للضـــــلع بسمر
وعيني ما تنام الليل ... حشاي حشاي يتجمر
....
آه من الزمن غدار ... ظلت بويه وحشه الدار
شيطفي لهيب النار
وناظر للوصي محتار ... لزم عهدك ضوه إعيوني
..........

نسالكم الدعاء


عدل سابقا من قبل ابومهندالسلامي النجفي في السبت أكتوبر 26, 2019 8:36 pm عدل 4 مرات


الشوط الكربلائي استشهاد الرسول ص الجديد 348421569
ابومهندالسلامي النجفي
ابومهندالسلامي النجفي
انت رائع


الرجوع الى أعلى الصفحة اذهب الى الأسفل

استعرض الموضوع التالي استعرض الموضوع السابق الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى