موقع الحاج ابومهندالسلامي النجفي

المدمع تهيله

إرسال موضوع جديد   

استعرض الموضوع السابق استعرض الموضوع التالي اذهب الى الأسفل

س المدمع تهيله

مُساهمة من طرف ابومهندالسلامي النجفي في الثلاثاء سبتمبر 26, 2017 2:16 am

بسم الله الرحمن الرحيم
اللهم صل على محمد وال محمد ..
..................
فاطمة الليلة...المدمع تهيله
ياعم تنادي العباس ... يافخركل هاي الناس
شاهدَوا العيله ...المدمع تهيله
...........
(1)
ياگمرأهل الـوفـه طـيـب وســـيـرة...انت الشهم وانت نبع كل غيرة
يا صدراسرار أل علي وتصويرة...وأنت عميد المرتضى وتدبيرة
..
اتعاضد دليله ...المافي مثيله
وإنت يسيد الافراس ...صاحب الخوه النوماس
شاهدوا العيله ...المدمع تهيله
......
(2)
ياعـم اتركي النـوح خلي الـدمـعـه ...هـــوالـدلال أنـوجـد لإســمـچ يـرعـه
ضمها وتنخه ودگ صدرْللرجعه...هـــــذا أني إلها وحگ ضلع البضعه
:
أنتي الجليله ...انتي الخليله
وضمها يهدئ بإحساس ...لاباس صبرچ لاباس
شاهدوا العيله ...المدمع تهيله
.......
(3)
يانفـــس ريحانة الهادي وســـره ...وحـــامل لـوى الإيمان وأعـظـم دره
ابگـلـبـك الحـب لحسين من الـذره ...الغــذتك مِــنً ام الــــبـنيـن الحـــره
.
راعي الفضيله ...ابن الاصيلة
اخلاق أَبدْ ماتنقاس ...عِدْ علي وعِدْ العباس
شاهدوا العيله ...المدمع تهيله
....
(4)
يافـاطمة أمـة غــواهـا الشيطان ...المال غَيِرْ دينهم والـوجــدان
ونام الضمير بين طــي البهتان ...ياعمي آه أتمادواعله الاحسان
.
أهل الرذيله ... صابونه غيله
الغدرعِدْ هاي الناس ...من الأجداد الأنجاس
شاهدوا العيله ...المدمع تهيله
................
(5)
يانفس تحمل وانت سرالرحمن ...من الوصــي ماخــذ انـوار القــرآن
وچفك رفع راية ولي الديان...يانــورعــترة فـاطـمــة يابـرهــــــــان
.
الروح الجميلة ...العندك أصيله
يابو الوفه يانبراس ...عالراس انت عالراس
شاهدوا العيله ...المدمع تهيله
.......
(6)
يانورعيني أطلب طلب من إعدكم ...أرجاكم إتخلوا الأخـــو إمروتكم
عبدالله زهرة روحي مَنْ سلوتكم ... إوبلچي يســــليني إو يسد خيلتكم
.......
الحمل إش يشيله...وآني النحيله
اشلون اودع الانفاس...ضي عيني ياعز الناس
تشاهدوا العيلة ...المدمع تهيله
......
(7)
يافاطمـة ناداهـا ابو اليـمه احســــين ....عبدالله إِلَهْ موقف ينور العنين
اشلون اشـرحلچ أخــاف إتموتيـن...إبسـهم الـحقـد ينفطـم بيد الطـاغـين
....
والغالي ويله ...من العطش ويله
ابلا رحمة ولااحساس ...من قطعوا هالانفاس
تشاهدوا العيلة ...المدمع تهيله
.....
(8)
يافاطمة جـرح الگلـب لاما طاب ...من يوم ظالهم وقـــف عالابواب
ودم الزچـية ســال بين الاطــياب...خالف اقــوال الــنبي ذاك الكذاب
.
واشفه غليله ...بقتل الجليله
اليوم ذيچ الارجاس ...ايساوموني عالراس

شاهدوا العيلة ...المدمع تهيلة
...........
نسالكم الدعاء
18ــ11ــ2010
avatar
ابومهندالسلامي النجفي
انت رائع


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى