قصيدة لاستشهاد فاطمة الزهراءع

بسم الله الرحمن الرحيم

***

اللهم صل ِ على محمد وآل ِ محمد

**............................

المستهل

يا علي الشيعه إبمحن ... وين گبرإم الحسن

شوكت يظهر يازمن ... شبعنه آلام وشجن

وين گبرإم الحسن

........

1

ياعلي الشيعه اليوم تندب وتنوح ...إبفگد الزچيه إنواسي إبنه المذبوح

متمسكين إبنهجك ونفدي الروح ... بگلوب تنزف دمه وتزيد إجروح

......

والعيون إتورمن ...والدمع مثل المزن

آه عثرات الزمن ...بالمصاب إتفرعنن

... ...

وين گبر إم الحسن

......

2

شفت الضلع مهشوم يابوالحســـنين...إشلون إصبرت عالزهره ياضي العين

بحسره وآلم والظيم وســـــدها البين...وإسقاط محسن والجره إبذاك الحين

.....

تجره حسرات ونين ... فاگده زهرة العين

كسرهالباب اللعين ...والضلوع إتلملمن

.......

وين گبر إم الحسن

.....

3

يانور يتوصف بنور إم حسين... إم للرسول وروحه بين الجنبين

حورية الأكوان إم الطــــــيبين... زهرة القرآن ونجاة الصـــافين

... ...

بيكم إحنه إمســــكين ...من صرتوا إليوم الدين

يابو الحسن وحسين...ما يغيرنه الزمـــــــــن

........

وين گبر إم الحسن

.....

4

يوصي رســـــول الله دوم يوصي ...اليمسك القرآن وعــــترتي ينجي

يحصل الشفاعه والأمــرمن ربي ... واليبغض أل البيت شوفه إشيمسي

......

بإدماهم متشبعين ...ناروتصلي الجنبين

للكافر متبعين ...والحقد مـــــــن السنن

.........

وين گبرإم الحسن

.....

5

إتچتفت بالعهد خوفك عــــالدين... وصاك سيدالرسل بالمـــــرتدين

لاتسل سيف ولارمح يابوحسين...أهل السقيفه فاهميك من إسنين

....

تشهدلك ميادين ...فارس بدر وحنين

بيدك ثبت الدين...آه من غدر الزمن

...

وين گبرإم الحسن

.....

6

ياابا الحسن حافظة عالدين إبضيم... وشمسك يحامي الجارغطت عالغيم

ياوالي كل مؤمن صبرت إبتصميم ... تحملت من گوم الحقد كل تحــــطيم

....

تغير فعل الطاغين ... من بنت الباع الدين

إنگلبت فوگك صوبين ... آه من لوع الفتن

......

وين گبرإم الحسن

.....

7

ودع الزهره والگلـــــــب يلهب نار... ومن غسل الجسم وعرف بالي صار

انحنه عليهـــــــــــــا ونتخه بالجبار... وهلت إدموع العين مــــــــن الكرار

....

ياروحي ونور العين ... يم الحسن وحسين

گلبي إنگسم نصين ... نصدعن جروحي وإبچن

.....

وين گبر إم الحسن

.....

ونسألكم الدعاء