جرحك إبگلبي إعصار ...يابويه

بسم الله الرحمن الرحيم
اللهم صل على محمد وال محمد
..........
المستهل
........
يا حبيب المختار
...............
جرحك إبگلبي إعصار ...يابويه ..2
يا ...حبيب المـــــختار... يابويه ..2
زينب إلي نادتك ...إشلون تقبل شيمتك
إتعيفنه بالآخـــــــــطار ...يابويه
يا......حبيب المخـتار ... يابويه
...........
(1)
جبريل كبر بالسمه يا الغالي ... إعله دنيا بعد العفه راح الوالي
ونهدم ركــن الدين يا دلا لي ... وأهل الحقد بالغدر فرحـوا تالي
إشلون من هـم اليوم ... يابويه..2
والگلب ظل مـــالوم ...يابويه ..2
والدهر مانصفك ... بكل إموره مخالفك
إتعيفنه بالاخــــطار ...يابويه
ياحبيب المخــــــتار ...يابويه
...........
(2)
زنيب إلهامت روحها يابو الحسنين ... من شافت الطبر ودمه يغطي العين
صاحت إبحنيه وحزن يمي حـــــــسين ...نهضي ييمــــــه انطفه نور الطيبين
تصفگ راح إعله الراح ..يابويه ..2
تشوف الابوا مـــن طاح ...يابويه ..2
إنصبت يا فارس بدر ... بسيف ابن ملجم غدر
إتعيفنه بالاخطار ..يابويه
ياحبيب المختار ... يابويه
..................
(3)
يا حامي شرع إلله ونبي المختار... ياولي كل مؤمن صفاك الجبار
ياقاسم الجنه إبمحــــــــبك والنار... يا ساقي نهر الكوثر إنت الكرار
ياتقوى إلكل الكون ...يابويه
وياليبغضك ملعون ...يابويه
الله ورسوله الگال ...الحبك للجنه ينال
إتعيفنه بالأخطار...يا بويه
ياحبيب المختار ...يابويه
(4)
إلليله جبرائيل دمــــعاته تهيل ... تسمع هدير من السمه بالتهليل
راح الذي بروحه وچبته شايل ...نور الرساله بكل صفاته حاصل
نور الهـــداية ضاع... يابويه..2
والحقد شدة إشراع ... يابويه ..2
إلليله فزعة فاطمة ... إلك ياحامي الحمه
تعيفنه بالأخــــطار ... يابويه
ياحبيب المــــختار ... يابويه
.....
(5)
آنه الزچيه تصيح ياحامي الجار...والدمـــــــــع دم إتهله يم الكرار
وبچفوفه تحضن وليها المغوار...يا سيف لاحك وإنت مثلك ماصار
واجهت كل الكــــــون ...يابويه
وبالحرب خضت إفنون ..يابويه
ولافارس يگرب يمك ... زعزع الإمه إبسمك
تعيفنه بالأخـــــــــطار ...يابويه
يا...حبيب المــــــختار ...يابويه
..................
(6)
ياصاحب الفقار ســـــل الفقار...هاي الحـــرايب گوم يبن الاطهار
بإسمك تنادي ياعلي إتريد ثار... من خانوا عهود الرسول المختار
والشيعه إبحرگه تصيح ... يابويه
يوميه الــــــــــدم يسيح ... يابويه
وما سلمت حتى الرضع ... موذريه وهذا المصرع
تعيفنه بالأخـــــــــــطار... يابويه
يا ...حـــــبيب المختار ... يابويه
..........
نسالكم الدعاء