موقع الحاج ابومهندالسلامي النجفي

جابر إذكر لوعــــتي

إرسال موضوع جديد   

استعرض الموضوع السابق استعرض الموضوع التالي اذهب الى الأسفل

س رد: جابر إذكر لوعــــتي

مُساهمة من طرف ابومهندالسلامي النجفي في الأحد سبتمبر 17, 2017 4:25 am

بسم الله الرحمن الرحيم،،
اللهم صل على محمد وآل محمد وعجل فرجهم وأهلك أعدائهم،،
....................
جابر هاي .....نور إچلاي ...إظعون العقيله الطاهره..
.....
ياجابر انهض هل لفــــت بت الــــــولي للمخدره
شافت مصايب ما سدة حتى الصـــــخر دمه جره
الكون بحزان وآلم يبچـــــــــي دمه عـــــالصابره
عافت جثث نور الهدى عـــــــالغبره كلها إموذره
.................................................. ...
جابر هاي .....نور إچلاي ...إظعون العقيله الطاهره..
...................................
انهض يجابر للعليل الجاي من أرض الشام
جار الدهر عگب الاهل إمچــــــــتفينه إبآلام
زلام الغدر أهل الفسق أرجاس امـيه الظلام
عالهزل لوعه لوعته والچبد منــــه إمفطره
..............
جابر هاي .....نور إچلاي ...إظعون العقيله الطاهره..
...................
لوعات و إحزان اليسر إوترك الجثث عالتربان
إونار الگلب تلهب جمر والدمع صــاير غدران
ياجرح ينزف ياجرح جروحه تون عـــــــالشبان
متگيد إبصبره إوحمل نور الرســــــاله إلزاهره
.........................
جابر هاي .....نور إچلاي ...إظعون العقيله الطاهره..
..............
رادوا يطفون النور من زمن أكل الأجباد
فسق الرذال مورثيه من حقد ذيچ الأجداد
وهذا الزمن بأولاد تاريخ الأســـــود ينعاد
وشيعة علي متحدين ملايين هاي الثائره

جابر هاي .....نور إچلاي ...إظعون العقيله الطاهره..
.....................
نسالكم الدعاء


__________________
avatar
ابومهندالسلامي النجفي
انت رائع


الرجوع الى أعلى الصفحة اذهب الى الأسفل

س جابر إذكر لوعــــتي

مُساهمة من طرف ابومهندالسلامي النجفي في الأحد سبتمبر 17, 2017 4:24 am

بسم الله الرحمن الرحيم
اللهم صل على محمد وآل محمد وعجل فرجهم،

عظم الله لنا ولكم الأجر بأربعين الإمام أبي عبدالله الحسين عليه السلام وجعلنا
الله وإياكم من الطالبين بثأره مع وليه من آل محمد عليهم السلام .
........................
جابر إذكر لوعــــتي ...والهظم وو نيني ...چـــــــــــبدي إتفطر يجابر گلبي مذبوح
على التربان إخوتي ...والعــده إتو لو ني ...وأبو فاضل عــالشريعه جسمه مطروح
...................
آه ياجابر إشصار من بعد طيح الكـــــــــــفيل...هجمت العدوان كلها والنهار إتشوفه ليل
أطفال مرعوبه يجابر تصرخ إبحرگه إوعويل ...والحرم هبت تنادي تنخه حماي الدخيل
أه صدعه صدعتي ...والحسين إبعيني ...يلوج گدامي ابواليمه ودمه مسفوح
...................
ويلي ياجابر مراري إتصـــــــلط علنه القهر ...ردت ابو فاضل يجينه ماردت ماي النهر
چفوف نور العين گطوا ريت عمري ينصهر ...احسين يصرخ ياعضيدي ظهري ياخويه انكسر
اشلون دنيه دنيتي ...وإخوتي عافوني ... وصلت يم المشرعه شفته مطروح
...........
إبعيني شفت حسين وحده إتواردوه أهل الغدر...آه ياجابر الدنيه إنگلبت إعله ابن الطهر
بالسهام وبالســــيوف وذروا جسمـه وذر... إيلوج من سهم المثلث ويلي إبن سيد البشر
إشلون حيره حيرتي ... ريتهم دفنوني ...ولا شفت روح الزچيه يگالب الروح
..................
الكون بحزانه يموج والسمه تمطر دماء ... و العرش نازل يقدم ماي يروي النجباء
الارض ماجت إبهمها ويلي من هذا البلاء...تصيح والمدمع تهله راح سيد الشهداء
إهتزت على إمصبتي ... والأمر رباني .... حسين قربان الإلاه كاتبه اللوح
..................
إحساس راودني يجابر ينذبح ابن الرسول ... والجسد فوگ الوطيه يصير ميدان الخيول
حين ودعني حبيبي إتذكـــــرت گول البتول ... يمي زينب حــــــــــب إخيچ القدر منه ينول
غاب عني عزوتي ... والــــــدهر لاوني ...حسين ليش تعيف أخيتك ذابت الروح
...........................

جابر إذكر لوعــــتي ...والهظم وونيني ...چـــــــــــبدي إتفطر يجابر گلبي مذبوح
علىالتربان إخوتي ...والعده إتولوني ...وأبو فاضل عالشريعه جسمه مطروح
...................
نسالكم الدعاء
avatar
ابومهندالسلامي النجفي
انت رائع


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى