موقع الحاج ابومهندالسلامي النجفي

يا أسد خيبر يحمــــــــــــــاي الدخيل

إرسال موضوع جديد   

استعرض الموضوع السابق استعرض الموضوع التالي اذهب الى الأسفل

س يا أسد خيبر يحمــــــــــــــاي الدخيل

مُساهمة من طرف ابومهندالسلامي النجفي في الأحد سبتمبر 17, 2017 4:00 am

بسم الله الرحمن الرحيم
اللهم صل على محمد وال محمد
ـــــــــــــــــ
المستهل
يا أسد خيبر يحمــــــــــاي الدخيل *وعلى أملاكه إبشخصك إتباهه الجليل
گوم وأنهض ياعلي ***مابگ عــــــدنه ولي
ما كسر گلبك دمع عيني اليسيل
******
(1)
جمر ياحيدر يجرح إعيوني * وِليُه يابويه العده إتولوني
وتجري دم من السياط إمتوني * گلهم إبياذنب مــــــــن شتموني
لون يمي چان ما هظموني * بالسبي ضيم وقهر راوني
والكفيل عالنهر *** گطع إچفوفه الدهر
مابقلي يابطل بس العليل
*****
ماكسر گلبك دمع عيني اليسيل
********
(2)
يا گلب بويه مثل گلبي إبتله * گوم من گبرك وإگصد كربله
وليله نامت ويه الاكبروالدمه* ورمله للقاسم تشمه بمنحره
والرباب الثدي در إتناغلــــــــه * والاطفال الهـايمه بسوح الفله
والعليل المايگوم*** من الألم گلبه مهظوم
إحتار مچلچل الليل
*******
ماكسر گلبك دمع عيني اليسيل
*********
(3)
گوم وإنشد يبوحسين إبياذنب * حسين ظامي وماشرب ماي العذب
والعجب ماجزع صبرك ياگلب * وإنت بيك جروح ماظن تنحسب
چم رمح صابك وچم موقف صعب * ياعلي اولادك الكل منسلب
گوم وإنهض يافحل *** ماشفتني عالهزل
مشينه بالدرب الطويل
******
ماكسر گلبك دمع عيني اليسيل
*********
(4)
شفت أخويه إحسين من صابه السهم * وشفت صدره شلون بالخيل إنهشم
وشفت نار الشبت إبوســــــــــط الخيم* والبخيم أيتام وعيال وحــــــــــــــــرم
ياعلي واليل چلچل عــــــــــــالحرم * ولا ولي الظل بعــــــــد لا ظلت خييم
الاطفال إتشردة *** الخيم لمن هوة
تصيح عباس الكفيل
*****
ما كسر گلبك دمع عيني اليسيل
*******
(5)
شردت بهالليل مذعوره الأطفال * وخايفه من الگوم مرعوبه العيال
هذا يصرخ وين عباس المنال* مانريد الماي ويعيف النزال
عالنهر عباس ظنهم بالقتال * مادروا فروا عالهيمه الطفال
مايشوفون العلم *** ولا نزال ويالزلم
إنهدم حيلي على ذاك العويل
***
ما كسر گلبك دمع عيني اليسيل
**********

 ونسئلكم الدعاء

avatar
ابومهندالسلامي النجفي
انت رائع


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى