موقع الحاج ابومهندالسلامي النجفي

ملحمة الجيش والحشد تحرير الموصل

استعرض الموضوع السابق استعرض الموضوع التالي اذهب الى الأسفل

س ملحمة الجيش والحشد تحرير الموصل

مُساهمة من طرف ابومهندالسلامي النجفي في السبت 13 مايو 2017 - 4:08

بسم الله الرحمن الرحيم

اللهم صل على محمد وال محمد
ــــــــــــــــــــــ

الحشدوالجيش كل وجداني ..عاهدوا سيدعلي السيستاني
الموصل  إيردوها
وداعش إيحرگوها
عاهدواسيدعلي السيستاني
ـــــــــــــــــــــــــــ
عاهدوا ســيدعلي برب السماء
وجب داعش يلبس أثياب النساء
وتندفن زمـرته  أذيول الجـبناء
بأرض العــــراق اللذي رباني
غامرو دخلــوها
الهاي ماحسبوها
نار عالاشرار أرض أحزاني
الحشد والجيش كل وجداني
ــــــــــــــــــ
ثاربركان الحشد وين الرجال
الرفعت الرايات وتنادي الفصال
جاك يوم الملحمه ويوم النزال
وين جاحر أضهر أتلگاني
الصرختك  لبــوها
الهاي ما حسبوها
نار عالاشرار أرض أحزاني
الحشد والجيش كل وجداني

ــــــــــــــــــــــــــ
الموصل يخلصوها من أهل النفاق 
وما يضل داعشي بأرضك ياعراق
الجيش شال أهمومها وشدالنطاق
وثــــار كالبركان عـالأذانـــي
بس جثث خلوها
الهاي ماحسبوها
نار عالاشرار أرض أحزاني
الحشد والجيش كل وجداني
ـــــــــــــــــ
أتخاوو ويالمـوت والمـــوت أعتـرف
وثقوهه للشجاعه إنصارابواليمه أبشرف
وهذابحرالرافضية روجهم شال الجرف
وصـوت يهدر وينه الإتحداني
وطالـب ينزلوها
الهاي ماحسبوها
نار عالاشرار أرض أحزاني
الحشد والجيش كل وجداني

ـــــــــــــــــــــ
هاي صولات الروافض بالحرب
دخلواالمـوصـل وگلبـوها گلـب
وحق رب العرش ماردهم درب
غاصواإرمال وجبال الجاني
وللحِفَـرْطـــبوها
الهاي ماحسبوها
نار عالاشرار أرض أحزاني
الحشد والجيش كل وجداني
ـــــــــــــ
هـاي الأحفــاد التربة عالحقد
وبدماهــم الغــــدر ماخــذعقد
لاتظن ترحم إلك وطش ورد
وأنت عاشق للحسين وآني
أصورت تركوها
الهاي ماحسبوها
نار عالاشرار أرض أحزاني
الحشد والجيش كل وجداني
ــــــــــــــــــ
أنت عاشق للحســــين وفاطمه
وعاشق المرتضى حماي الحمه
أشلون مايبغضك أبن المجرمه
ودم رقبتك حلل الســــحباني
من السقيفه أخذوها
الهاي ما حسبوها 
نار عالاشرار أرض أحزاني
الحشد والجيش كل وجداني
ــــــــــــــــــــ
شيعه فرسان الشدائد والمحن
هبواالنصرت عراقك  كالمـزن
ياعلي السيستاني يمخمد الفتن
أنت بس أطلب وآمر ثاني
أنصارك إيگلبوها
الهاي ماحسبوها
نار عالاشرار أرض أحزاني
الحشد والجيش كل وجداني
ــــــــــــــــ
أنصارحيدرعلي حماي الحمه
دفنوا أهل الحقد يـوم الملحمه
وهدمواعرش الولاية الظالمه
وعلگواأنوارالنصر من ثاني
الخيبر إيذكروها
الهاي ماحسبوها
نار عالاشرار أرض أحزاني
الحشد والجيش كل وجداني
ـــــــــــــــــــ
نسألكم الدعاء
avatar
ابومهندالسلامي النجفي
انت رائع


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى