موقع الحاج ابومهندالسلامي النجفي

ابوذيات خواطرليل ..عدة شعراء

استعرض الموضوع السابق استعرض الموضوع التالي اذهب الى الأسفل

س ابوذيات خواطرليل ..عدة شعراء

مُساهمة من طرف ابومهندالسلامي النجفي في الخميس فبراير 16, 2017 10:29 pm

ابوذيات ..خواطرليل
ــــــــــــــــــــــ
تهل إدمــوع عيني  مالمتها ..
وروحي يوم عـزها مالمتها..
ياوســــفه وحسـافه مالمتها..
الخايب والردي إيلومون بيه

الحاج ابومهند السلامي النجفي
ــــــــــــــــــ
رد...
ادردم مانفع بيهم........يدرماااي
تعال وشوف دلالي........يدر #ماااي
وكت العطش صرتلهم........يدر ماااي
#اشربو و #حلوكهم تحجي عليه

رافد متروك السلامي
ــــــــــــــــــــ
رد...
يرافد قلبي للبطران مــــاهم .
واتعب للردي والوفي ماهم
اليدخل درب ابوالسجاد ماهم
همه الرضا من رب البرية

الحاج ابومهندالسلامي
ــــــــــــــــــــــ
رد..
أحب كل روح طيبه وأرتجاها
وأفرح اعيوني بيها وأرتجاها
أذا الدنيا ترادت   وأرتجاها
الوفي روحه تصيرافراش هيه

الحاج ابومهند السلامي
ـــــــــــــــــــــ
رد..
الخدم روح الزجيه ونور أبيها
شمس شعشع علينه و نورأبيها
يخويه رياض روحك نور بيها
يحفظـــها علي حامي الحميه
الحاج ابومهندالسلامي
ــــــــــــــــــ
رد...
السلامي بهم سرى ليله سلامات
واله مني بكثر همه سلامات
الغيره يكول منكعها سلامات
شعجب شحوا على الحب الزجيه

ابوتركي البدري
ـــــــــــــــــ
رد..
يبدري هلالك مــــنور هلابيه
وسلامك فرحه القلبي هلابيه
الزمن للردي شدحيله وهلابيه
وشح اعله الوفي وراعي الحميه .

الحاج ابومهندالسلامي
ـــــــــــــ
رد...
بعد بالدنيا من البدور
تنخه وتوصل الفزعه من البدور
اخوك وحملك يشيله من البدور
واحسبني سلامي ومن عليه

ابوتركي البدري
ـــــــــــــــــــ
رد...
أصل روحك نبع طيبه من البدور
وأتنومس خوتي خوه من البدور
ثلــث تنـعام منك ومــن البدور
أهل غيره وشرف واهل الحميه..

الحاج ابومهندالسلامي
ـــــــــــــــــــ
نقل .. رد..ابوزهراء الحمزاوي
تهل دمعي عله الوجنات ياحيف
وعله الناس الماتوافي التعب ياحيف
انه الجنت اخوف خفت ياحيف
ولذت بالجانو ايلوذون بيه
لشاعر من غماس
ـــــــــــــــــــ
رد..
وحق حيدرعلي ماصحت ياحيف
من أحرق إ ضلوعي وجال ياحيف
يبوزهراء صرعني الردي ياحيف
بأسم حســــين فــــات وغــــدربيه

الحاج ابومهندالسلامي

ـــــــــــــــــ
نسالكم الدعاء
avatar
ابومهندالسلامي النجفي
انت رائع


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى